quinta-feira, 31 de janeiro de 2013

..ensaios xerais e asemblea este venres e sábado..




.. na reunión de onte das comparsas decidiuse participar no antroido ferrol 2013.

..a posición da Revolta.. é que ata que nos reunamos esta fin de semana e o decidamos en asemblea non sabemos se vamos a participar.

.. o enterro da sardiña en Ultramar Sartaña.. de momento a asociación veciñal di que non poden levalo adiante, pois non contan con o apoio do concello de ferrol, no que goberna pepe o carteiro ..

..ensaios xerais e asemblea.. este venres e sábado ensaios xerais ás 7 da tarde, e asemblea o sábado ás 9 da noite..

a continuación publicamos o enlace á páxina do concello onde están as bases e impreso do antroido ferrol 2013

http://www.ferrol.es/90-taboleiro-anuncios-ampliar.aspx?id=47

quarta-feira, 30 de janeiro de 2013

Plenario da Plataforma en Defensa da Sanidade Pública de Ferrolterra

Este Mércores, día 30 de XANEIRO, ás 6 da tarde da  no local da A. Veciñal de Esteiro.


Esta convocatoria terá por obxecto evaluar o impacto nas entidades socio-sanitarias das actuais políticas da Xunta de Galicia, análise e estudo sobre a atención ás distintas enfermedades crónicas e atención médica nesta Área Sanitaria, da situación das listas de espera na Área de Xestión Integrada de Ferrol e dos Orzamentos da Xunta para esta Área Sanitaria

Orde do día
1 .- Análise da situación actual da Plataforma pola Defensa da Sanidade Pública de Ferro e debate de método do seu funcionamento interno, cando se cumpren tres anos da súa constitución.
2.- Situación actual da área sanitaria de Ferrol Afectad@s entidades Socio– Sanitarias.
3 .- PROPOSTA de convocatoria dunha Manifestación Comarcal en Defensa da Sanidade Pública para o domingo 3 de Marzo ás 12 da mañá, coincidindo coa convocada para ese día en Vigo.
4 .- Suxestións e preguntas.-

http://plataformadspferrol.blogspot.com.es/

Asemblea aberta por outra alternativa ao trazado do tren ao Porto Exterior de Ferrol



O Mércores 30 de Xaneiro de 2013, ás 8 do serán na Escola oficial de Idiomas de Ferrol


No ano 2010 unha trintena de entidades sociais Ferrolterrás de moi diversa índole (asociacións de viciños, deportivas, culturais, ecoloxistas, partidos políticos, etc.) presentaron alegacións ao proxecto de construcción do tren ao Porto Exterior de Ferrol. Agora que se abriu o plazo de licitación do proxecto de contrucción, estas entidades autoconvócanse para debatir sobre o que supón esta nova situación, e que se pode facer para continuar opoñendose ao proxecto de construcción desta infraestructura atravesando a Ría de Ferrol á altura da A Malata coa nova agresión que suporía para a propia ría. Esta asemblea está aberta á participación de toda a cidadanía de Ferrolterra.

Máis info:

http://adega.info/info/090121joomla/delegacions/ferrolterra

segunda-feira, 28 de janeiro de 2013

antroido 2013 A Revolta en radio Filispim..


..o domingo 28 de Xaneiro de 2013 a comparsa A Revolta gravamos grazas á colaboración de radio Filispim e o colectivo Opaii http://opaii.blogspot.com.es/, as cancións para este antroido. O motivo de gravar estas cancións e subilas a internet é para axudar a toda a comparsa a aprender mellor as letras, e para que toda a xente que se anime a baixar á rúa nos antroidos da comarca, poda cantar con nos estas cancións..

quinta-feira, 24 de janeiro de 2013

Antroido en Narón 2013..

Antroido en Narón 2013..
o sábado 9 de Febreiro antroido en Narón..

lugar e hora..as comparsas sairán ás 5'30 da tarde desde a praza de Galiza, no Alto do Castiñeiro, en percorrido a pé ata o Pazo da Cultura

espectáculo.. actúan todas as comparsas tendo cada unha un tempo máximo de 10 minutos

cancións.. temas que falen do que pasa no concello de Narón

axuda ás comparsas.. de Narón 500 € de fora de Narón 250 €

acordo da Revolta.. vamos, levamos cada un un pouco de comer para compartir e buscamos un bar onde pagándolle a Revolta as consumicións nos deixen comer alí.

para o público en xeral.. o antroido no Pazo da Cultura aporta unha boa acústica, é cómodo e non vai frio. Pola contra perde en festa, música, baile. Para acceder ao espectáculo no Pazo da Cultura é preciso retirar entrada, consultar http://www.padroadodecultura.es/

prazo para inscrición das comparsas.. este luns 28 de Xaneiro ás 9 da mañá.. importante presentarse moi cedo pois hai moitas comparsas de fora de Narón e so tres prazas..

quarta-feira, 23 de janeiro de 2013

asemblea do encontro social para falar entre todas e todos da situación da comarca e propoñer saídas..

Este xoves de 6 da tarde a 8 do serán na asociación veciñal de Esteiro, asemblea do encontro social para falar entre todas e todos da situación da comarca e propoñer saídas.. animádevos a aportar a vosa visión da situación e as solucións, tamén a escoitar a das demais..

Convocatoria dunha Asemblea Extraordinaria do Encontro Social de Ferrol Terra – 24 de Xaneiro de 2013
Asemblea Extraordinaria do Encontro Social de Ferrol Terra

Día: Xoves 24 de Xaneiro.
Hora: de 6 a 8 da Tarde.
Lugar: Local da Asociación Veciñal de Esteiro.

Na última Asemblea Plenaria do Encontro Social de Ferrol Terra, celebrada o pasado Martes 15 de Xaneiro de 2013, acordamos facer unha Asemblea Extraordinaria cun só punto na orde do día: A situación da Comarca: diagnose e alternativas.

Para orientación pode-se ver
Blogue: Informe socioeconómico de Ferrol Terra e diagnose da situación
http://diagnose-ferrolterra.blogspot.com.es/

Pola importancia do asunto a tratar pregamos un pequeno esforzo, a maiores, para participar nesta Asemblea.

--



Rede Social de Ferrol Terra

Encontro | Foro | Rede de Apoio Mutuo | Arméria Soc Coop

Directorio (Teléfonos, Correos, Blogues e Web)

http://redesocialdeferrolterra.blogspot.com.es/

|||||||||||||||||||||||||||||||||



terça-feira, 22 de janeiro de 2013

mércores 23, 19 hs, CONCENTRACION GASEIRO Nº 134

..no medio deste temporal chega á ria de Ferrol o gaseiro cargado con gas natural licuado nº134, entre ondas de 10 m de corrupción e mentiras ábrese paso a concentración de protesta nº134 na praza Amada García..


 
Prevista a entrada na Ría, do vello gaseiro (33 anos de antiguedade) cargado con GNL, nº 134 "LNG Abuja" o Comité Cidadán de Emerxencia para a Ría de Ferrol, convoca
CONCENTRACIÓN
mércores, 23 de xaneiro ás 19 hs,
diante do Edificio da Xunta de Galicia
Praza Amada García – Ferrol
Características do buque:
Nome.- LNG Abuja, Ano Construción.- 1980, Bandeira.- Bahamas, Eslora.- 286 m, Manga.- 43.7 m, Puntal.- 43.74 m, Calado.-11.53 m, Capacidade.- 126.530 m³ de GNL




--
Visita a nosa web:  www.comitecidadan.org
Tamén en Twitter :  @ComitCEmerxenc




segunda-feira, 21 de janeiro de 2013

Entre todas e todos temos que conformar a decisión da Revolta para o antroido en Ferrol 2013..

.. todas as comparsas reuníronse o pasado xoves no centro social de Piñeiros en Narón..

 A maioría das comparsas decidiron  que irían ao antroido de Ferrol se antes pagan o que deben do ano pasado 105 € e se a axuda de este ano é de 600 €. Só unha vai igual se pagan 500 €.

A Revolta foi a esa reunión con a proposta que acordamos as persoas que nos reunimos para decidir o da espuma. A proposta era que se as comparsas decidimos non ir a Ferrol que quedaramos todas xuntas nunha zona da cidade para celebrar o antroido.

A maioría das comparsas non están de acordo porque pensan que é facerlle o antroido ao concello igual pero sen cobrar.

A resposta da Revolta foi que llo fariamos chegar aos medios de comunicación para que se recollera como unha maneira de protestar das comparsas celebrando o antroido. Non houbo acordo.

Que facemos ? Mantemos a unidade de acción das comparsas ?, vamos por libre ?, insistimos falando con as comparsas do antroido reivindicativo? ..? ..? ..?

Algún dato ou información que queirades apuntar..



Letras antroido 2013

Esta son as letras que vamos compoñendo, de seguro que haberá mais algunha..

Tinha umha casa
Croki
Outro desahucio máis 
Que é o que ten a xente do PP
Cheira a PP
Que diferenza ten a xente do PP?

sexta-feira, 18 de janeiro de 2013

Antroido no Roxal 2013..

..o venres 8 de Febreiro antroido no Roxal..

lugar e hora.. as comparsas concéntranse ás 8'30 do serán ao comezo da estrada da fervenza. Faise un pequeno percorrido ata o pavillón..

espectáculo.. actúan todas as comparsas entre 8 e 10 minutos

cancións.. temas que falen do que pasa no concello de Neda e da comarca en xeral..

axuda ás comparsas.. un vale para a degustación de racións con produtos do antroido..

acordo da Revolta.. vamos, apoio ás asociacións veciñais que o organizan, boa festa antroideira.. levar algo de comer e beber para compartir, rondas a pagar pola Revolta falta decidir.. 

para o público en xeral.. venta de racións produtos do antroido, música, baile, aconséllase  levar abrigo para a humidade, festa próxima ao rio..

prazo para inscrición das comparsas.. ata o 5 de Febreiro, no local veciñal no mesmo pavillón de deportes do Roxal, a partires das 5 da tarde, levar copia das cancións..


quinta-feira, 17 de janeiro de 2013

Información e decisións que vamos tomando sobre o Antroido 2013 ..

Vamos ir disfrazados de vivendas.., para recoller neste antroido un dos problemas que nos afectan a todas e todos e que durante todo o 2012 estivo e está ao roxo vivo.. os desafiuzamentos, a privatización do dereito á vivenda, a especulación, a tiranía da banca,..

O material a utilizar é a espuma.. A Revolta vai mercar a espuma para levar na cabeza. Cada prancha de espuma repartirase entre dúas persoas. Vanse comprar 35 pranchas que dan para 70 persoas contando con as crianzas. As pranchas son de 2 m x 1'10 m e 15mm de espesor. O prezo é de 7 € a prancha en total 245 €. A merca de pintura está por decidir. O que se leva no corpo, os complementos, as estruturas para acompañar a escenificación, por exemplo a idea do guindastre da banca para derrubar o dereito á vivenda, van ir saíndo da iniciativa de cada un e do traballo en conxunto no local.

Este venres 18 de Xaneiro temos un ensaio xeral ás 7 da tarde.. Todas as tardes vai estar aberto o local de 4 a 8 para poder ir a traballar. Se chegades ao local e está pechado poñédevos en contacto con André tlf.605 455 340, ou con Isma, Fátima ou Conchi.

Onte tivemos a reunión en Ferrol das comparsas con o concello.. A concelleira non apareceu, estaban unha traballadora do concello e dous representantes da empresa que vai organizar o antroido. A empresa é a produtora Jarabe e participa nunha das plataformas na que se agrupa unha parte das persoas empresarias de hostalería de Ferrol "Via Ferrol" . Antes de facer a súa proposta querían escoitar as propostas das comparsas..

As propostas das comparsas.. a idea xeral que se saca  é que con a indignación que temos as comparsas polo roubo que nos fixo o PP no Antroido do ano pasado, non nos reunimos nin pensamos nunha proposta de antroido para presentarlle ao concello. O que si teñen claro a maioría das comparsas é que non se van presentar mentres non se nos pague o que se nos debe do ano pasado.

A proposta da empresa.. un antroido como se fai en outras cidades e non dixo cales. Con carrozas, teñen dúas e irían dúas comparsas enriba, con un grupo de charanga polo medio das comparsas. Saír da pza. de España e rematar na pza. de Amboaxe onde se actuaría. Entre as actuacións das comparsas, meter a un grupo de música que atraia xente.

Reunión das comparsas.. hoxe xoves 17 de Xaneiro as 8 da tarde no centro social de Piñeiros en Narón para decidir o que se fai.. onte na Revolta falamos que se as comparsas deciden non ir, que nos xuntemos ese dia a celebrar o antroido en outra praza.

Roxal, Narón, Ferrol,.. cada dia publicaremos a información que temos das diferentes festas.. Proposta de Mónica para o sábado 16 de Febreiro de ir a comparsa a amenizar na Graña o antroido na Sociedade Deportiva e Recreativa  Y da Graña.
 




terça-feira, 15 de janeiro de 2013

Este mércores 16 de Xaneiro ás 8 do serán, reunión no local, todas as persoas que queiran ou podan achegarse para decidir..

.. a cantidade de planchas de espuma,  o espesor e a oferta que escollemos pois hai diferentes prezos..
..por exemplo por internet hai unha oferta de 2 m x 1 m de 10mm de espesor a tres euros e pico.
..por exemplo hai unha proposta de usar unha plancha cada dúas persoas, se mais ou menos somos 60 persoas habería que mercar 30 planchas..

..informar e decidir se hai suficiente xente, senón o deixariamos para o venres que é o ensaio xeral, o que facemos en Ferrol pois chamaron para unha reunión o mesmo mércores ás 5'30 da tarde.. dixeron por tlf. que este ano querían facer algo diferente..


segunda-feira, 14 de janeiro de 2013

Convocatoria da XVIII Asemblea Plenaria do Encontro Social de Ferrol Terra – 15 de Xaneiro de 2012

Este martes de 7 da tarde a 9 do serán na asociación veciñal de Esteiro..


Convocatoria da XVIII Asemblea Plenaria do Encontro Social de Ferrol Terra – 15 de Xaneiro de 2012

XVIII Asemblea Plenaria do Encontro Social de Ferrol Terra

Proposta de obxectivos e orde do día para a XVIII Asemblea Plenaria do proceso de construción do Encontro Social de Ferrol Terra, acompañado da Rede de Apoio Mutuo.

Día: Martes 15 de Xaneiro.
Lugar: Local Asociación Veciñal de Esteiro.
Horario: de 19:00 a 21:00 horas.

Obxectivo da reunión:
  • Tratar asuntos de Arméria Soc. Coop., Grupo Finanzas Éticas, Comisión Roupeiro, local ...
  • Tratar asuntos sobre a Rede de Apoio Mutuo (STOP-Desafiuzamentos, Xustiza Social, ..).
  • Debater sobre o Encontro Social e as súas comisións.
  • Tratar outros asuntos de interese.
Orde do día:

Punto previo: Aprobación ou modificación da orde do día.
  1. Proposta dunha actividade  de formación sobre 'Conservas Vexetais'.
  2. Información dos pasos que se están dando para a legalización de Arméria Soc. Coop.  E sobre o local da Traseira do Mercado Municipal de Caranza (Legalización, Dotación e Abertura).
  3. Información da Comisión Dereito a unha Vivenda Digna – STOP-Desafiuzamentos e valoración da mobilización do 28 de Decembro.
  4. Comisión de Xustiza Social -  Informes do Caso 'A'.
  5. Informacións sobre o Banco de Tempo.
  6. Pasos dados na proposta de Foro Social de Ferrol Terra co obxectivo de deliberar e analizar sobre o actual modelo enerxético e as posíbeis alternativas.
  7. Debater e avaliar a situación da Comarca.
  8. O Foro Social Mundial 2013 en Tunez.
  9. Proposta de xornada de reflexión sobre a Rede Social de Ferrol Terra (Encontro, Foro, Rede de Apoio Mutuo, Arméria Soc Coop. ....).
Ferrol Terra, 11 de Xaneiro de 2012

||||||||||||||||||||||||

--



Rede Social de Ferrol Terra

Encontro | Foro | Rede de Apoio Mutuo | Arméria Soc Coop

Directorio (Teléfonos, Correos, Blogues e Web)

http://redesocialdeferrolterra.blogspot.com.es/

|||||||||||||||||||||||||||||||||




quarta-feira, 9 de janeiro de 2013

Proposta para facer unha asemblea para decidir sobre o Antroido 2013.. este domingo 13 de Xaneiro ás 6 da tarde no local..

.. chamamos aos diferentes lugares onde case sempre  participamos con a comparsa e a información que temos é esta..

Venres 8 de Febreiro. No Roxal en Neda.. pendente de confirmar se organiza o concello o antroido na vila, ou se organizan as asociacións veciñais no Roxal. Estas últimas teñen todo preparado pero se o concello de Neda fai a festa xa non a levarían adiante. No Roxal habería unha cea e a axuda económica para as comparsas sería moi pouca ou non a habería.

Sábado 9 de Febreiro. En Narón.. confírmase a celebración.. xuntanza con as comparsas a semana que ven..

Martes 12 de Febreiro. En Ferrol.. pendente de confirmar.. na oficina de cultura non teñen noticia de momento do que pensa facer o concello..

Mércores 13 de Febreiro. En Fene.. confírmase a celebración..

Venres 15 de Febreiro. En Ultramar en Sartaña.. confírmase celebración.. xuntanza con as comparsas a semana que ven.. está a asociación veciñal aínda sen cobrar a axuda do concello do antroido do ano pasado..

Antroido en Caranza.. propostas ideas e xente para levalas adiante..

..decidiremos o traxe, materiais, horarios de ensaios,..


Fwd: Festas do Entroido

A AV de Esteiro fainos chegar esta reivindicación..

Desde a AV de Esteiro demandamos que se teña en conta ao tecido asociativo de todo tipo para a elaboración do programa do Entroido 2013 e se poidan facer dunha maneira participativa, algo que non está sucendendo nunca,  e non so se teña en conta  so os intereses da Asociación de Empresarios de Hostalería como acaba de suceder nas Festas do Nadal e como sucedeu nas Festas do Verán.
Demandamos que desdea Concellería de  Participación Cidadá e desde a Concellería de Festas se faga, o máis pronto posible, unha convocatoria ao tecido asociativo cultural, veciñal e de todo tipo a unha xuntanza con ese fin o que sen dúbida vai mellorar o programa de Festas e a calidade e a participación nas mesmas.
Xunta Directiva da AV de Esteiro



Fwd: mercores 9, 19 h, CONCENTRACION gaseiro nº 133

..gaseiro cargado con gas natural licuado nº 133 entrando dentro da ria de Ferrol.. cambio..
..recibido.. concentración nº 133 cargada de razón e valentía entrando na praza Amada García.. cambio..


Prevista a entrada na Ría do vello gaseiro (30 anos), cargado con GNL., nº 133 "LNG Finima" o Comité Cidadán de Emerxencia, convoca
CONCENTRACIÓN
mércores, 9 de xaneiro 2013, ás 19 hs,
diante do Edificio da Xunta de Galicia
(Praza Amada García - Ferrol)
características do buque:
Nome.- LNG Finima, Ano Construción.- 1983, Bandeira.- Bermudas, Eslora.- 287 m, Manga.- 41.83 m, Puntal.- 56.9 m, Calado.-11.22 m, Capacidade.- 133.000 m³ de GNL

--
Visita a nosa web:  www.comitecidadan.org
Tamén en Twitter :  @ComitCEmerxenc


Comité Cidadán de Emerxencia
para a Ría de Ferrol
comitecidadan@gmail.com
www.comitecidadan.org

quarta-feira, 2 de janeiro de 2013