quinta-feira, 23 de maio de 2013

..este venres 24 de Maio ás 6 da tarde desde a praza de Amboaxe en Ferrol.. RUEIRO REIVINDICATIVO DA MARCHA MUNDIAL DAS MULLERES EN FERROLTERRA


manifestación internacional en Vigo da marcha mundial das mulleres no 2008


A Marcha Mundial das Mulleres nun día de loita feminista como é o 24 de maio, Día Internacional pola Paz e a Desmilitarización, QUEREMOS, na cidade de Ferrol, reivindicar a visibilidade e lembranza das mulleres asasinadas en Galiza pola violencia machista.

Ao traveso do que chamamos “Rueiro reivindicativo de lembranza” pola cidade, “imos vestir” os diferentes barrios, cos nomes das mulleres asasinadas, en protesta contra a prohibición da Concelleira de Igualdade, do pintado das súas siluetas na Praza de Armas.

PEDIMOS a implicación da cidadanía nesta reivindicación da Marcha Mundial das Mulleres e que nos acompañen no noso percorrido.

O rueiro comeza na Praza de Amboaxe e remataremos na Praza de Ultramar.

A hora de inicio deste rueiro será ás 18 horas.

Identificarémonos con vestimenta morada ou negra.

Teléfono de contacto: 696 732 735 (Anxela)