A Revolta de Trasancos

Começou o obradoiro de disfraces no local da Revolta de Caranza

2012-01-22T22:35:00.000+01:00

Já começou o obradoiro de disfraces no local da Revolta de Caranza.

O dia principal de trabalho som os venres pola tarde. Mais o local está-se abrindo todos os dias pois sempre ha alguém que vai a trabalhar nos trajes. Quem se queira animar a participar que vaia por o local e venha a dar-lhe à tesoura e o cartom.

Proposta de assembleia da Revolta para este venres 13 de Janeiro as 7 da tarde no local de Caranza

2012-01-09T21:56:00.004+01:00

Proposta de assembleia da Revolta para este venres 13 de Janeiro as 7 da tarde no local de Caranza. Como sabedes queda moi pouco, o martes de Entroido é o 21 de Fevereiro.

Temos que ir pensando e fazendo propostas. Falar com a gente que nom tem internet para que se entere da reuniom. Convidemos a participar a todo mundo que queiramos. Há também informaçom duma proposta dos movimentos sociais de Ferrol que estam a organizar uma rede de apoio mutuo para dar resposta e construir uma saída à crise que estamos a sofrer. Informar também sobre a Plataforma em Defensa da Sanidade Pública. Se há alguma ideia ou proposta para tratar nesta reuniom renviade-lha a todo o mundo que poidades.

Foto: Antroido 2011 en Fene

Começamos a pintar o local

2012-01-04T22:03:00.001+01:00

Começamos a pintar o local.

Este sábado dase-lhe a imprimaçom ás paredes do local. Quem poida vir botar uma mao, o sábado 7 de janeiro a partir das 10 da manhá, adiante. Traede se podedes um rolo de pintar ou pincel para recortar mais um caldeiro.

2011-12-31T10:34:00.000+01:00

Abrimos um Blogue onde imos postando todas as cançons que estamos ensaiando. Podes copia-las para a casa e para as festas. Participa ensaiando-as os venres com A Revolta.

http://cancioneirodarevolta.blogspot.com/

Proposta para xuntarnos este próximo venres 30 de Decembro no último ensaio do ano 2011

2011-12-27T23:13:00.004+01:00

Proposta para xuntarnos este próximo venres 30 de Decembro no último ensaio do ano 2011. A partires das 7 da tarde no local da Revolta de Caranza. Podemos levar cada un de casa algo de beber e de comer, para poder brindar podemos traer cada un o seu vaso de cristal para non gastar plástico.

Proposta tamén para decidir este venres de facer unha quedada o próximo sábado 7 de Xaneiro do 2012. Quedariamos para darlle a man de imprimación ao local e decidir cando quedariamos para pintar.

Proposta para decidir este venres de poñer un prazo para presentar propostas de disfraces para este próximo Entroido 2012. Un prazo para pensar as propostas e un dia para quedar, decidir e poñerse a traballar xa nos traxes.

Acto de Solidariedade, o sábado 17 de Decembro, con Lazos Pro Solidariedade Comité Anti Sida de Ferrol Terra, no véspera do Día de Acción Global contra o racismo e polos dereitos das persoas migrantes, refuxiadas e desprazadas

2011-12-11T23:12:00.002+01:00

As asociacións abaixo asinantes CONVOCAN un acto de solidariedade co Comité Antisida de Ferrol LAZOS PRO SOLIDARIEDADE. Esta asociación sen ánimo de lucro, de persoas afectadas polo VIH, fundada en novembro de 1995 en Ferrol, ven denunciando que os recortes nas prestacións sanitarias están afectando a sectores desfavorecidos da nosa comarca, entre eles o colectivo de inmigrantes.

Denuncian ademais que, no caso das persoas afectadas polo VIH, que se encontran en situación máis vulnerable, estase a detectar unha falta de cobertura sanitaria básica, repercutindo directamente na súa calidade de vida, na súa precaria economía e favorecendo a exclusión social, por motivos de saúde.

Na nosa comarca acollemos cada ano un pequeno número de persoas inmigrantes. Entre elas, moitas orixinarias de Senegal. Un 17% da poboación senegalesa padece hepatite. O comité Lazos, leva nos últimos anos enfrontando desde a solidariedade e a axuda mutua, as dificultades que todas estas persoas que se achegan a nosa comarca, encontran para sobrevivir. Agora, cando sopran ventos desfavorábeis para os dereitos, o respecto e as liberdades, precisan do noso apoio. Para mostrarllo, celebraremos, no véspera do Día Internacional das Persoas Inmigrantes, un acto lúdico e reivindicativo onde dar a coñecer todas estas realidades e unir vontades para resolvelas. Agardamos todas as mans, todas as vontades, todos os apoios.

[Aberto a calquer asociación que queira apoiar e participar.
Comunicar a: comiteantisidaferrol@gmail.com]

Día 17 de Decembro de 2011, Sábado,
desde as 11hs até as 17hs (aproximadamente),Traseira do Mercado de Caranza, rúa Cuco Ruíz de Cortázar s/n

música, poesía, petiscos, callos solidarios...

Intervención de Xosé Carlos Varela Fernández,

presidente de LAZOS pro Solidariedade - Comité anti-sida de Ferrol

Micrófono Aberto

Programa en directo de Rádio Filispim.

Par difundir a Propaganda do Acto:
acceder e baixar

comiteantisidaferrol@gmail.com
http://comitelazos.blogspot.com/

Enlace relacionado:

Foro Social de Ferrol Terra - Consello Local: Día de Acción Global contra o racismo e polos dereitos d@s migrantes, refuxiad@s e desprazad@s - 18 de Decembo de 2011

Loitando polo local para o Centro Social

2011-11-13T00:14:00.002+01:00

Dada a situaçom complicada que estamos tendo co local do Centro Social d'A Revolta, que temos concedido na Praça do Anfiteatro d'As Rosas de Caranza, na Rua Alcalde Quintanilha, L-3 Local nº2. Pois som vários os assuntos pendentes -consolidaçom da cessom, águas residuais, ..., que ainda temos que solucionar e que estám paralisando as reformas e a adapataçom do mesmo para poder desenvolver as nossas actividades cum mínimo de qualidade. Para informar da situaçom, do que se leva feito e do que queda por fazer, confeccionamos este blogue, agardamos que seja útil. E logo podamos debater.

http://localtrasanqueiro.blogspot.com/

-----

Samaim 2011

2011-11-01T21:08:00.007+01:00

Mais um ano celebramos o Samaim diante do nosso centro social, nas rosas em Caranza. Ainda que chovia, os suportais permitirom-nos poder lavrar as cabaças, fazer uns liscos na grelha, asar umas castanhas e fazer um chocolate com churros. Depois pudemos cantar e rematar uma festa onde o mundo dos mortos se junta com o dos vivos e a terra oferece os fruitos do Outono.

Carrossel de diapositivos em alta resoluçom:Entrar

Samaim d'A Revolta 2011

31/10/2011

[Público na web] fotos: 258

Se queres baixar alguma foto entra no Album Samaim 2011

Samaim d'A Revolta 2011

___________________

Definitivamente o Samaim da Revolta nos Soportais da Praza do Afinteatro das Rosas

2011-10-31T14:27:00.004+01:00

A chuvia chegou de novo, polo que definitivamente o Samaim d'A Revolta celebrare-mo-lo nos Soportais da Praza do Afinteatro das Rosas, frente ao nosso Local.

Como todos os anos, esta Segunda-Feira -Luns, 31 de Outubro, véspera de festivo, celebraremos o Samaim e Magosto d'A Revolta, desde as 6 da Tarde en Caranza, estaremos nos soportais frente ao noso Centro Social na Rua Alcalde Quintanilha, L-3 Local nº2.

Música e cançons.
Obradoiro de Cabaças.
Castanhas Assadas.
Zumes e Leite para as crianças.
Chocolate com Churros.
Vinho e Licor café.

Nom faltes !

Assi foi, en fotos, o Samaim d'A Revolta o ano passado.

[Clica acima da imagem para entrar nas Galeria de Diapositivos]

----------

Algumhas Palavras, Fotos e Vídeos do Magosto de Anita 2011

2011-10-30T21:33:00.016+01:00

Este Sábado 29 de Outubro de 2011, no Parque Carmelo Teixeiro de Caranza, celebramos "O Magosto de Anita". O magosto é umha festa de encontro. As castanhas som laboriosas, para asar e comer, cria-se asi um tempo para o diálogo, as risas compartidas e a informaçom flue compartindo sentimentos, emoçons, novas... Nesse espaço, a figura de "Anita", Ana Paz Rodríguez, recobra todo o seu significado. A experiencia vital de "Anita", converte-se nun legado de solidariedade, de loita pola justiça, pola igualdade, pola defensa da nossa identidade linguística, cultural ... Anita é também a idea de comunidade, é bairro organizado, para a loita, a reivindicaçom e tambén para a festa. "Anita" é o legado para as novas geraçons. É a constataçom de que com organizaçom, com uniom, temos ganhado o futuro. "Anita" é também o legado do coidado como valor comunitário fundamental. Um coidado que ela praticava e ensinava em todos os espaços sociais, laborais, políticos, pessoais, que contarom coa sua presença em vida, e que agora toca, preservar, multiplicar e legar à gente máis nova. Neste magosto demos um pequeno passo, queda todo um caminho por andar.

http://www.youtube.com/playlist?list=PL71584D2BCF367F6B

Fontes:
Albúns da Revota - 2
Canle ARevoltaTrasanqueira

Nota para o Vídeo e as Fotos:
As fotos postadas nom som moi boas e estám mal tiradas, co objectivo manchado, estamos agardando as de Susete'70 e ademais o enlace dun Blogue sobre "Anita" feito por el. O vídeo que postamos é umha lista de reproduçom de 8 pequenos vídeos ainda sem editar, proximamente faremos um, mas bem feito. Se alguém fixo fotos ou vídeo e no-lo que achegar, pois estariamos moi agradecid@s. Obrigad@s ! A Revolta

Nota.-

Nuns dias postaremos mais.
___________

Concedido o permiso para celebrar "O Magosto de Anita"

2011-10-27T23:50:00.001+02:00

Hoje pola manhá recebimos a notificaçom [*], por várias vias, de que o Concelho dava marcha atrás na sua decisión e revocou a denegación comunicada onte, CONCEDENDO PERMISSO, para que poidamos celebrar "O Magosto de Anita" este Sábado 29 de Outubro, desde as 6 e media da Tarde no Parque Carmelo Teixeiro de Caranza.

Agardamos por tod@s !!

[*] De todos os xeitos entregamos por registro a carta do tecido associativo de Caranza, dirigida ao Concelheiro responsável.

Informaçom a tod@s membros d'A Revolta, sobre a denegaçom do permiso por parte do Concelho de Ferrol, para celebrar "O Magosto de Anita"

2011-10-27T00:28:00.001+02:00

Estaimad@s Companher@s d'A Revolta, para quem nom o saibades por nom poder assistir à reuniom de hoje, decir-vos que o Concelho de Ferrol, acordou conceder-nos o permiso para o Samaim do 31 de Outubro, mas denegou o permisso para poder celebrar "O Magosto de Anita" do Sábado 29. Na Assembleia d'A Revolta de hoje, acordamos, entre outras cousas, ponher-nos em contacto co tecido associativo de Caranza para informar-lhes da negativa do Concelho, e solicitar-lhe ao mesmo de que revoque tal denegación. Fixemos um escrito que apoiam as seguintes entidades: Asociación Cultural Fuco Buxán, Asociación de Veciños de Caranza, Asociación Cultural López Bouza, Sociedade Cultural, Deportiva e Recreativa Ferrándiz, Sociedade Cultural Deportiva e Recreativa Galicia de Caranza. Quedamos manhá, Quinta-Feira -Xoves-, 27 de Outubro, pola manhá, ás 10:00 hrs estar no Concelho para presentar o escrito ao Concelheiro responsável de Património que foi o que denegou o permisso.

Achegamos a continuación o escrito que lhes imos presentar e en ficheiro anexo, o mesmo em formato pdf.

A Atención do Alcalde Presidente do Concello de Ferrol

Concellaría de Facenda, Emprego e Recursos Humanos

As asociacións do barrio de Caranza, que se indican a continuación:

Colectivo Sociocultural A Revolta de Trasancos

Asociación Cultural Fuco Buxán

Asociación de Veciños de Caranza

Asociación Cultural López Bouza

Sociedade Cultural, Deportiva e Recreativa Ferrándiz

Sociedade Cultural Deportiva e Recreativa Galicia de Caranza

Diante da denegación, por parte deste Concello, do permiso para celebrar un MAGOSTO POPULAR, no Parque Carmelo Teixeiro, solicitude feita polo Colectivo Sociocultural A Revolta, para o sábado 29 de Outubro, queremos solicitar que se retire a denegación, e se conceda a solicitude presentada en base ás seguintes consideracións:

1º Que se trata dun MAGOSTO POPULAR de carácter público, aberto á participación de todo o barrio.

2º Que este magosto, ten como obxectivo reivindicar a figura de ANA PAZ RODRÍGUEZ, “Anita”, veciña do noso barrio, falecida hai dous anos, cuxa traxectoria vital, aínda que curta, é un compendio de feitos, actitudes e valores, que conforman un legado que consideramos hai que poñer en valor, sobre todo de cara a promocionar entre a xuventude do barrio un modelo de solidariedade, de activismo social, de empatía comunitaria, tan necesarios nestes tempos que vivimos.

Caranza, a 27 de outubro, de 2011

José Luis Gómez Cobelo

SCDR Galicia de Caranza

André Martínez Ces

CSC A Revolta de Trasancos

Bernardo Rego Gárate

A. Cultural López Bouza

Eladio Novoa López

SCDR Ferrandiz

Rafael Pillado Lista

A. C. Fuco Buxán

Santiago Magán Caridad

AAVV de Caranza

En representación:

Seguem assinaturas

--

Colectivo Sociocultural "A Revolta de Trasancos"

Centro Social d'A Revolta
Rua Alcalde Quintanilha, L-3 Local nº2
Praça do Afinteatro da Unidade Vizinhal 2 de Caranza
15406 Ferrol - Galiza

Telefone do Coordenador do Colectivo:
605 455 340 [André]
a.revolta.de.trasancos@gmail.com
a-revolta-de-trasancos.blogspot.com
--------

Samaim d'A Revolta 2011

2011-10-26T13:21:00.001+02:00

Como todos os anos, esta Segunda-Feira -Luns, 31 de Outubro, véspera de festivo, celebraremos o Samaim e Magosto d'A Revolta, desde as 6 da Tarde no Parque Carmelo Teixeiro de Caranza, no caso de chuvia estaremos nos soportais frente ao noso Centro Social na Rua Alcalde Quintanilha, L-3 Local nº2], Praza do Afinteatro.

Música e cançons
Obradoiro de Cabaças
Castanhas Assadas
Zumes para as crianças
Vinho e Licor café

Nom faltes !

----------

O Magosto de Anita

2011-10-26T12:59:00.004+02:00

Este Sábado 29 de Outubro de 2011, desde as 6 e media da Tarde imos lembrar a Anita num Magosto em Caranza, montaremos umha carpa no Parque Carmelo Teixeiro, xunto a Ermita, entre a rua Cartagena e a Avenida do Mar.

"Celebramos un magosto aberto a todas e todos, onde haberá música, castañas, viño, zumes, festa, e lembranzas,... O corazón aberto, as pernas lixeiras e a gorxa mollada para un bo cantar. Unha xuntanza para recordar á persoa, conservar a tradición e... pasar unha boa tarde entre tod@s nos. Esperamos a vosa participación. Teremos un cuberto se a chuvia quere aparecer..." [Lembranza de Anita]

Anita no facebook
http://es-es.facebook.com/pages/Anita/155128607861230

Enlaces para Anita:

"Unha pegada inesquecíbel" [Em Ártabra 21]

Dúas ferrolás foron distinguidas -logo do seu pasamento- cunha mención especial na entrega do "Premio 8 de Marzo" da CIG: Ana Paz Rodríguez -Anita- e Margarita Bellas Miragaya -Marga- [Em Ártabra 21]

Homenaxe a "Anita" na Comarca de Trasancos [Em Ártabra 21]

---------

Convocatoria Asemblea para o mércores 26 de Outubro.

2011-10-23T19:48:00.000+02:00

Proposta de Asemblea da Revolta para este mércores 26 de Outubro ás 7'15 da tarde.

Aínda que pareza que a orde do dia é longa non o é. Temos que procurar facer a asemblea en menos dunha hora. Por iso o que poida que sexa puntual.

1. Obras no local. Ven o inverno e hai que darlle ferro.
-Seguir lixando paredes.
-Poñer a porta.
-Poñer o bater.
-Obras da comunidade de mellora das arquetas.

2. Informar como van as obras das ramplas de acceso ao local.

3. Chamamento a participar na concentración en defensa da sanidade pública, que vai ter lugar o xoves 27 de Outubro ás 8 da tarde na praza do concello. Quen queira algún cartaz ou folletos informativos falade con André.

4. Informar do Magosto de Anita. 29 de Outubro.

5. Repartir traballo Magosto-Samaím da Revolta. 31 de Outubro.
-Comunicación ao Concello. Se non chove no parque Carmelo Teixeiro, se chove diante do local da Revolta.
-Cabazas.
-Castañas.
-Grella.
-Carbón.
-Liscos.
-Pan.
-Bebida.
-Velas.
--------------------

Actividades de comezo da temporada 2011-2012

2011-10-23T19:44:00.000+02:00

Neste comezo da temporada 2011/2012 da Revolta.

1. Os venres a partires das 6 da tarde ensaios e aprendizaxes das letras de cancións tradicionais e festeiras.

2. De luns a xoves de 5 da tarde a 7'30 da tarde obras no local da Revolta.
-Traer roupa de traballo.

----------

Cançons para os Ensaios - O Rodavalho

2011-10-22T17:22:00.000+02:00

O RODABALLO

NUNHA LANCHA DE MARÍN
COA PROA DE CARBALLO
NUNHA LANCHA DE MARÍN
COA PROA DE CARBALLO
CATRO RAPACES DA PUEBLA
UI AI AI, UI AI AI
ROUBARON UN RODABALLO
CATRO RAPACES DA PUEBLA
ROUBARON UN RODABALLO

MALA CHISPA TE COMA,
MALA CHISPA TE DÉ,
MALA CHISPA TE CHANTE UI AI E

O PATRÓN QUE ALÍ MANDABA
ERA UN RAPAZ DE MARÍN
ERA UN RAPAZ DE MARÍN
DICÍALLE AO RODABALLO
UI AI AI UI AI AI
MOITO MIRAS PARA MIN

FORON VENDER Á LONXA
E CON MUITO DISIMULO,
E QUEN LLO FOI A MERCARE!
UI AI AI UI AI AI
A FILLA DO CACHIRULO!

TEÑA COIUDADO PATRÓN
QUE ESTE PEIXE ESTÁ ENMEIGADO
PORQUE XA NACEU CO SINO
QUE HABÍA DE SER ROUBADO

AQUÍ ACABA A HISTORIA
AQUÍ ACABA A HISTORIA
DESTE PEIXE RODABALLO
QUE POR NO HABER ACEITE
UI AI AI UI AI AI
HOUBO QUE COMELO ASADO.

*********

Xantar solidario con a escola pública San Xoan de Filgueira

2011-07-07T12:53:00.000+02:00

XANTAR SOLIDARIO CON O COLEXIO PUBLICO SAN XOAN DE FILGUEIRA ESTE SABADO ÁS 2 DA TARDE, PEDIRONNOS A COLABORACIÓN DA REVOLTA CON A MUSICA.

Ola Revolta, quen poida e quera ir ao xantar solidario para apoiar á escola pública S.X.de Filgueira, que para o curso que ven a Xunta do PP quérelle reducir o nº de mestres e mestras deteriorando mais unha vez o ensino publico, que se lembre de levar os instrumentos pois pedironnos se podiamos durante o xantar tocar unhas pezas. Temos que levar cada un a sua comida e bebida.

Enlaces:

Continua o peche en defensa do ensino público e de calidade - Contra os recortes da Xunta de Galicia - #acampada no CEIP San Xoán de Filgueira - Este Sábado 9 de Xullo: Xantar de Confraternización e Solidario, e unha Tarde de Música e Reivindicación

A Lumeirada 2011 para o "Proxecto Vacacións en Paz"

2011-07-04T20:30:00.003+02:00

A lumeirada d'A Revolta conseguiu um ambiente alegre e solidário para celebrar o solstício de verám. O recadado para o proxecto "Vacacións en Paz" foi 1870'85€, que forom ingressados na conta da organizaçom "Solidariedade Galega co Pobo Saharaui".

Galeria de Fotos da Lumeirada 2011 en Caranza

2011-06-25T01:16:00.006+02:00

From Lumeirada d'A Revolta 2011

Já som 14 os anos da Lumeirada d'A Revolta.

A Revolta de Trasancos, organizamos a lumeirada para celebrar o solstício de verám.

O lume foi o grande protagonista nesta noite meiga e de divertimento, onde celebramos a chegada do verám, na noite mais curta do ano.

Para ver o carrusel de diapositivos en grande formato e alta resoluçom: [Entrar]
Para poder baixar as fotos do Álbum d'A Revolta: [Entrar]

Dentro dumhas horas publicaremos o vídeo.
_____________________

Lumeirada d'A Revolta 2011: Em solidariedade co Povo Saaraui e axuda ao programa "Vacacións en Paz"

2011-06-22T23:46:00.006+02:00

Como é habitual, desde hai já 14 anos, A Revolta de Trasancos, organizamos umha lumeirada para celebrar o solstício de verám.

O lume vai ser o grande protagonista nesta noite meiga e de divertimento, onde celebraremos a chegada do verám, na noite mais curta do ano.

Outro dos protagonistas vai ser, outra vota, como o passado ano, o Povo Saaraui, pois a Assembleia d'A Revolta acordou que a recadaçom que se consiga na festa vai ir íntegra para o "Programa Vacacións en Paz 2011", programa no que participam algúns integrantes d'A Revolta.

O Solstício de Verám 2011 celebraremo-lo prendendo lume a umha grande fogueira, mas nom faltará a festa com sardinhas, chouriços, pam, vinho, cerveja, danças, música, ...

Como nom podia ser doutro jeito, a Lumeirada d'A Revolta 2011, vai ter lugar a Qinta-Feira [Xoves], 23 de Junho, na ribeira de Caranza, nas imediaçons da Rua Cartagena e do "Parque Carmelo Teixeiro", no antigo campo de terra batida, desde as 6 da tarde até a madrugada do dia seguinte.

Nove veces há que saltar a fogueira recitando os benefícios que queres ou os males que queres espantar, para que cumpra o lume os seus poderes na noite meiga.
Mas também há quem pom o cacho da noite das lumeiradas, ervas medicinais e aromáticas com água, deixadas numha tina ao rocio da noite, para o asseio purificador da manhá.

Nom faltes!

Como chegar?
Ver onde queda a zona da lumeirada en Google Maps

A Revolta

Lumeirada d'A Revolta 2011

2011-06-13T21:22:00.001+02:00

O 23 de Junho quinta-feira (xoves) a partires das 6 da tarde na esplanada da ribeira de Caranza, á beira da rua Cartagena, próxima ao parque Carmelo Teixeiro. Haverá sardinhas, chouriços, vinho, cerveja, refrescos, ... e música.

Ensaio na acampada do movimento 15-M

2011-06-13T19:34:00.003+02:00

O ensaio desta semana será na acampada do 15-M, o dia 17 de Junho sexta-feira (venres) ás 6'30 da tarde, para mostrar o nosso apoio a luita por nom perder e fazer reais os nossos dereitos.

Já se falou com a gente da acampada e estám de acordo. O venres 17 de Junho ás 6'30 da tarde haverá na acampada um talher de malabares no que podem participar os nenos e as nenas da Revolta junto com o nosso ensaio, dando a oportunidade a todas as persoas que estejam lá para que podam participar com nós tocando os instrumentos que levemos.

Acordos da assembleia d'A Revolta celebrada no novo local de Caranza o passado 13 de Junho do 2011

2011-06-09T22:03:00.001+02:00

1.LUMEIRADA.

-Sardiñas. Oscar 2 caixas.
-Chourizos. Geno 30 kg.
-Pan. Esther 40kg.
-Estrella Galicia. Isma.
-Bebida. Isma.
-Grellas. Isma e Agulhó.
-Leña para cociñar. Juanlu.
-Correio para a lumeirada. Inacio.
-Cuadro de quendas para estar na barra e cociña. Pili.
-Apañar leña lumeirada grande. André.

O diñeiro para pagar as cousas por adiantado o pon A Revolta, falar con André ou o dia que teñamos a reunión para amarrar as cousas que é o martes 21 de Xuño ás 6 da tarde ou as 7'30 da tarde.

Propostas para dedicar o diñeiro da lumeirada:
-Axuda á solidariedade de Galiza con o Sahara. Axuda a traer aos nenos e nenas saharauis que estan nos campamentos de refuxiados en Argelia, a Galiza.
-Axuda ao Comité Cidadán de Emerxencia para a ria de Ferrol. Na loita para que a Planta de Gas peche e se vaia da ria de Ferrol.
-Axuda á propia Revolta para os gastos que vamos tendo ao longo do ano.

2.ACAMPADAS NAS PRAZAS.

-Aprobamos apoiar a loita e solidarizarnos facendo un ensaio na praza onde está acampada a xente loitando por facer valer os nosos dereitos como pobo. Quedamos en ir falar para poñer un dia e hora.

3.MANIFESTO SALVAR AS RIAS.

-Decidiuse apoiar o manifesto das Cofradias da ria de Ferrol para concienciar á toda a sociedade do importante que é cuidar as rias.

Autoconvocatória, para o Luns 16 de Maio, polo Dia d'As Nossas Letras 2011

2011-05-10T23:56:00.003+02:00

Celebrando a nossa Língua - Maio de 2011
Praça de Rosalia - San Xoán, Luns 16 de Maio, ás 6 da tarde

Este ano o dia das Nossas Letras, vai dedicado a Lois Pereiro, ao qual lembraremos em todos os actos nos que participemos.

Como todos os anos, na Praça Rosalia de Castro do Concelho de Ferrol, haverá umha homenagem à nossa Língua na figura da precursora da recuperaçom das Nossas Letras, e em regime de autoconvocatória, onde participaremos várias organizaçons e colectivos vizinhais, sociais e culturais.

Animamos a tomar a iniciativa de impulsar o acto da Praça de Rosalia, que terá lugar o Luns (Segunda-Feira), 16 de Maio, às 6 da tarde.

Todas as associaçons e colectivos podem intervir no acto com comunicados, poesias ou outras intervençons. Podem-se levar umhas flores como outros anos. As pessoas a título individual também podem fazê-lo, e desde A Revolta convidamos a quem assim o deseje, a assistir co traje tradicional como um outro jeito de reivindicar a nossa identidade. Nós ponheremos a música. Mas quem queira trazer o seu instrumento ou cantar, nom o duvide, o acto é aberto a todas as iniciativas em defensa da Língua Galega.

Nota.-
As entidades que decidam participar, seria bom que remitiram um comunicado aos medios, no que manifestem o seu apoio e participaçom no Acto Unitário en prol da Língua Galega que, em régime de autoconvocatória, vai ter lugar em Ferrol, o Luns (Segunda Feira) 16 de Maio, às 6 da Tarde, na Praça Rosalia de Castro, no bairro de San Xoán de Ferrol.

[Clicar acima da imagem para entrar na Galeria de Diapositivos a grande resoluçom]

[Achegada pola A.C. Fuco Buxan]

Mil Primaveras mais para a nossa Língua !!
No, nome d'A Revolta
André Martínez Ces

Colectivo Sociocultural "A Revolta" de Trasancos
http://a-revolta-de-trasancos.blogspot.com/

____________

Outros Actos de interesse:

Quinta-Feira, Xoves, 12 de Maio, às 8 da tarde no Cantom de Ferrol, o Ateneo Ferrolán organiza um acto público de lembrança de Lois Pereiro "Vento Lois" [+informaçom]

Sábado, 14 de Maio, Día das Letras Galegas: Tic-Tac no Teatro Jofre, ás 12 do medio-dia [+Informaçom].

Sábado, 14 de Maio, Jornada lúdico-reivindicativa no Dia das Letras, organizada pola Fundaçom Ártabria, Ruada, Jantar, Actos e Concerto, desde às 12:30 hras desde a Praça do Hini Galego em Esteiro [+Informaçom]

Sábado, 14 de Maio, Día das Letras Galegas: Homenaxe a Lois Pereiro, às 20:30 horas no Teatro Jofre - Acto Cidadán [+Informaçom].

Domingo, 15 de Maio, Paseo Marítimo pola Ría de Ferrol, às 12 do medio-dia, no Peirao de Ferrol, "Mareando as nosas letras" - O mar é o noso patrimonio: Paseo Marítimo pola ría de Ferrol Poesía e Música do Mar. A Lancha de Mugardos dará unha volta pola ría, cargada de música e poesía do mar [+Informaçom].

Terça-Feira, Martes, 17 de Maio, estám convocados pola Plataforma Queremos Galego, multitude de actos e mobilizacións por toda Galiza e em varias cidades do resto do mundo com comunidades galegas. Na nosa Comarca haverá actos em Ares (Praza do Concello), As Pontes (Praza de América), Cedeira (Praza da Reitoral da Vila Vella), Fene (Local do Pote -Maniños-), Narón (Parque Botánico Carlos Rodríguez Dacal), Pontedeume (Praza do Concello), San Sadurniño (Praza do Concello), Valdoviño (Praza da Casa da Cultura) e Ferrol na Praza do Himno, às 12 do Medio-dia [+Informaçom].

__________

Os Maios 2011

2011-05-08T20:22:00.001+02:00

A Revolta levou desta volta os Maios a Caranza, no parque Carmelo Teixeiro. Foi um dia no que ameaçava chuva e de feito choveu, mas aproveitamos a trégua que nos deu para fazer os Maios, com música e com os trajes tradicionais celebramos a chegada da primavera.

Enlace ao Carrossel de diapositivos

Se queres baixar alguma foto clica na imagem para aceder ao álbum

Os Maios 2011

----------

A Revolta em Chamorro 2011

2011-04-25T23:10:00.003+02:00

Este ano, Chamorro quadrou em 25 de Abril. Saimos desde o cruze de Joane, e chegamos a tempo de xantar tocar e cantar música popular.
Galeria Fotográfica "Assim passamos o dia"

Fotos: André.

O antroido do 2011 en Fene, algunhas fotos e video do desfile de comparsas

2011-03-10T12:54:00.004+01:00

Aquí tedes mais umha galería de fotos, desta vez do Antroido do 2011 en Fene, também hai algunhas fotos e um video do desfile de comparsas e actuaçom deste ano en Fene.

A Revolta no antroido 2011 de Neda

2011-03-10T12:47:00.002+01:00

Estas son algunhas fotos d'A Revolta de Trasancos na actuaçom em Neda do Antroido do 2011.

A Revolta de Trasancos en Ferrol [Antroido 2011]

2011-03-09T12:56:00.001+01:00

A revolta de trasancos desfilou no multitudinario Antroido de Ferrol, aquí tesdes algunhas fotos, e em breves intentaremos subir algúm video e mais imaxes.

Cançons d'A Revolta - Antroido 2011

2011-03-08T18:59:00.002+01:00

Cançons d'A Revolta - Antroido 2011

Descarga os audios:

A Revolta no acto da Marcha Mundial das Mulheres em Ferrol polo 8 de Março

2011-03-07T11:14:00.001+01:00

A revolta participou no acto da Marcha Mundial das Mulheres polo 8 de Março em Ferrol com umha gran actuaçom. Mira a galeria fotográfica.

Antroido 2011 - Fotos - Vídeos - Segundo Prêmio em Narom

2011-03-05T23:22:00.012+01:00

PINCHA AQUÍ
para ver a galería de Fotos

"A Revolta vai de Médios", conseguiu o Segundo Prêmio em Narom, neste Antroido 2011.

Actuaçom d'A Revolta em Caranza - Antroido 2011

2011-03-03T21:32:00.001+01:00

Hoje 3 de Março, A Revolta de Trasancos - A Revolta vai de medios, participou na Festa de Antroido da Escola Infantil Pública de Caranza, onde actuamos, para as crianças, educadoras, nais e pais, com moito suceso. Em primeiro lugar actuárom as crianças divididas em três grupos segundo a idade, danças e músicas africanas, idigenas americanos, ..., logo actou A Revolta com moitas das cançons do seu repertório ... As nenas e nenos, nais e pais, assim como educadoras, nom deixarom de bailar os ritmos d'A Revolta. Os pais e nais preparárom umha boa merenda a base de freixos, orelhas, roquinhas, ...

Mais adiante publicaremos umhas fotos.
___________

Letras das cançons do Antroido d'A Revolta 2011 - Tríptico

2011-03-03T00:47:00.000+01:00

CARREIRA DE DISFRACES DOMINGO 6 DE MARZO

2011-03-02T14:57:00.013+01:00

O vindeiro domingo 6 de marzo e dentro das actividades do Entroido 2011, o Concello de Ferrol ten preparada unha CARREIRA DE DISFRACES, que arrancará da Praza de Armas ás 11.30 horas. Discurrirá polas principais rúas do centro da cidade e está aberta a participación de nen@s e maiores, que se repartirán os doce premios previstos: tres para os tres primeiros homes en chegar a meta, tres para as tres primeiras mulleres e tres para os tres primeiros nen@s. A maiores, recibirán tamén un galardón o mellor disfraz, o máis divertido e o mellor grupo.

Podedes facer as inscricións ata o momento previo ao inicio da carreira.

Dende aquí animarvos a participar.

Un saúdo.

Maica Rodríguez Freire
Ferrol, a 2 de Marzo de 2011

Área de participación cidadá
Casa do Concello. Praza de Armas, s/n. 15402 Ferrol
Tel: 981.944.015 / 981.944.219 / Ext. 202
participacion@ferrol.es
______________

Tempo de Antroido n'A Revolta - Ensaios e Obradoiro - Calendário e Horários

2011-02-06T22:02:00.002+01:00

Desde o passado dia 2 de Fevereiro o local para preparar o Entroido 2011 d'A Revolta é o da escola unitária da Faisca em Narom. Agulhó e Paula já tenhem feitas as gestions para solicitar a concessiom em precário do local. A xente que queira já pode ir polo local a ensaiar e fazer os trages. O expediente no concelho de Ferrol segue adiante pero non nos dam resposta ao adianto de chaves.

André compromete-se, salvo que haja algum tipo de mobilizaçom (concentraçom contra a planta de gas, ...) a abrir o local de Seguda (luns) a Sexta (Venres) a partir das 16:30 até as 19:30 hras. E sábados e domingos a partir das 6 da Tarde.

Se alguém quer ou pode abrir o local a outra hora, van-se fazer cópias das chaves. Por exemplo alguém que quera os sábados e domingos ir para o local ás 4 da tarde.

André
________

Samaim e Magosto 2010

2010-10-31T20:36:00.004+01:00

[Clica acima da imagem para entrar nas Galeria de Diapositivos]

A chuvia, o vento e o frio nom arredarom à Revolta de celebrar o Samaim e o Magosto. O bairro de Carança ofrece lugares singulares para poder faze-lo. As crianças, desde primeiras horas da tarde começarom a talhar as suas cabaças, e o bombo amanhado para assar as castanhas nom deixou de rodar. Música e liscos, já entrada a noitinha, ambientarom o final da festa que anuncia a chegada do frio e se remonta à celebraçom do ano novo dos povos antergos que povoavam o continente europeu.

Galeria Fotográfica do Samaim e Magosto 2010

Enlace coa Galeria de Diapositivos do Samaim e Magosto 2010 - Alta resoluçom: Entrar

Caminho a Teo ... sim, sim ateo

2010-10-31T20:00:00.001+01:00

No vindouro 6 de novembro, o Papa Bento XVI (Bento em galego cerrado, Benet em polaco, Benedicto na língua do Império Pequeno e Bieito Benedicto, polos vistos, em galego zómbico também) fará umha visita relâmpago a cidade d'O Filho do Trono, o Apóstolo Santiago Maior.

Umha visita que durará exatamente 7 horas e 45 minutos e que custará ao erário público a bagatela de 4 milhões de Euros (milhom mais, milhom menos).
Se alguém tem vocaçom de mártir (e quer experimentar as hóstias sem consagrar) ou quer emular o turco Ali Ağca (atirando com bala ou torta de Santiago contra o Papa), pode ficar em Compostela esperando.

Para todas/os as/os demais, para todas/os as/os que colocastes umha bandeira anti-Papa d'A Gentalha na vossa janela ou varanda (se ainda nom o figestes, nom sei a que esperades!), de Seioque.com e Komunikando.net orgulhamo-nos em anunciar que estamos a organizar o... tacham, tacham...

CAMINHO A_TEU!!!

[Toda a Informaçom em:
http://seioque.com/]

Anuncio Foros Civicos Solicitude colaboracion e Difusión

2010-10-31T18:53:00.002+01:00

Estimados/as veciños/as,

Achégase o anuncio sobre os Foros Cívicos que inclúe o calendario coas temáticas; así poderedes imprimilo e distribuílo nos vosos taboleiros de anuncios e lugares que estimedes oportunos para a súa divulgación.

É moi importante mobilizar á maior cantidade de persoas posible, en especial para a realización dos dous primeiros Foros, do día 5 de novembro (Democracia Participativa) e o sábado 6 de novembro (Políticas de xuventude), xa que contamos con menos tempo.

Se precisades calquera cuestión, contactade con nós.

Moitas grazas pola vosa colaboración.

Un saúdo,

Maica Rodríguez Freire

Técnica en participación cidadá

Casa do Concello. Praza de Armas, s/n. 15402 Ferrol

Tel: 981.944.015 / 981.944.219 / Ext. 202

participacion@ferrol.es

MAGOSTO EN LEMBRANZA DE ANITA...!!!

2010-10-20T16:05:00.001+02:00

Hola...O día 24 vai facer un ano que nos falta "ANITA"....por este motivo.....:

NA SÚA LEMBRANZA...FAREMOS UN MAGOSTO
O DOMINGO 24 DE OUTUBRO
A PARTIRES DAS 17:00HORAS
NO LOCAL DO GALICIA DE CARANZA

" A ela gustáballe apañalas
gustáballe facelas
comelas
e, sobretodo......COMPARTILAS!!!!
POR TODO ISO:

SE QUERES TRAER A TÚA PANDEIRETA,GAITA,ACORDEÓN, BIRIMBAO,PANDEIRO.....
LOGRAREMOS,ENTRE TOD@S,UNHA XUNTANZA DAS QUE ELA TANTO DISFRUTABA....

_______________

ACORDOS NA APERTURA DA TEMPORADA DA REVOLTA 2010-2011.

2010-10-20T13:14:00.001+02:00

1.LOCAL
Acordou-se que Inacio vaia esta semana ao concelho para ver se nos concedem o local do "anfiteatro" das "rosas" em Caranza. Se ese local nom pode ser temos que pedir-lhe á AVV de Caranza o que tem no mercado. A AVV compromete-se a xestionar diante do concelho a reparaçom das pingueiras do local.

2. MAGOSTO-SAMAIN
Dia 16 de Outubro, sábado a partir das doce da manhá em Caveiro, vamos recolher as castanhas polas fragas do Eume. Comemos lá onde hai umas mesas onde se aparcam os coches. Levade cada um o xantar.

Dia 30 de Outubro, sábado a partir das doce da manhá no parque de Caranza. Celebraçom MAGOSTO-SAMAIN. Levade para comer xa no parque.
SOLICITUDE CONCELHO:Inacio
PAN, LISCOS:Lupe
GRELHA:Agulhó
BEBIDAS.Isma
CABAZAS:Pili,Lupe
BOMBO DAS CASTANHAS:Jose
XENERADOR:Jose
Cada quem que convide a quem queira, hai que levar FERRAMENTAS E ADORNOS PARA AS CABAZAS.

3.APOIO Á CONCENTRAZOM DAS ASOCIAÇONS VECINHAIS E CULTURAIS EM APOIO Á FOLGA XERAL.
A Revolta decidiu sumar-se ao resto de asociaçons vecinhais e culturais que o martes dia 27 DE SETEMBRO ÁS 7 DA TARDE DIANTE DA XUNTA EM FERROL CONCENTRARAN-SE PARA DAR O SEU APOIO ÁS REIVINDICAÇONS DA FOLGA XERAL DO 29 DE SETEMBRO.(Xuntamos abaixo panfleto da concentraçom)

--
Colectivo Sociocultural "A Revolta" de Trasancos

http://a-revolta-de-trasancos.blogspot.com/

Todo foi bem

2010-06-26T17:15:00.009+02:00

Lumeirada d'A Revolta 2010

A gente trabalhando detrás do balcom e nas grelhas coa brasa, as conversas em pequenos grupos, a música das gaitas e as vozes das pandereteiras ... adornárom umha noite cálida onde nom faltou o luar e o lume de quase média dúzia de fogueiras vizinhas. As crianças protagonizarom ao seu xeito a festa, fazendo e gozando da sua própria lumieira, como aprendizes de tradiçons e rituais iniciáticos. A lumeirada d'A Revolta conseguiu um ambiente alegre e solidário para celebrar o solstício de verám. Todo um éxito se temos em conta ademais o recadado para o proxecto "Vacacións en Paz", 1.160€, que forom ingressados na conta da organizaçom "Solidariedade Galega co Pobo Saharaui".

[Clicar acima da imagen para ampliar]

[Clicar acima da imagem para entrar na Galeria de diapositivos]

_________________

Em poucos dias subiremos o vídeo da Lumeirada 2010

_______________________

Galeria Fotográfica da Lumeirada d'A Revolta 2010

2010-06-26T16:14:00.002+02:00

Galeria Fotográfica em Slidshow

Nota.-
A maioria das fotos som de baixa resoluçom feitas com cámara de vídeo. Algumhas outras, com mais resoluçom, achegou-nas Suso Pazos.
__________

Lumeirada d'A Revolta 2010 em Caranza

2010-06-22T13:20:00.001+02:00

O Colectivo Sociocultural A Revolta de Trasancos, organizamos, como é habitual desde há já 13 anos umha lumeirada para celebrar o solstício de verám. O lume vai ser o grande protagonista nesta noite meiga e de divertimento, onde celebraremos a chegada do verám, na noite mais curta do ano. Outro dos protagonistas vai ser, nesta ocasión, o Povo Saaraui, pois a recadaçom que se consiga na festa vai ir íntegra para o programa "Vacacións en Paz", programa no que participam algúns integrantes d'A Revolta.

O Solstício de Verám 2010 celebraremo-lo prendendo lume a umha grande fogueira, mas nom faltará a festa com sardinhas, chouriços, pam, vinho, cerveja, danças, música, ...

Como nom podia ser doutro jeito, a Lumeirada d'A Revolta 2010, vai ter lugar a Quarta-Feira [Mércores], 23 de Junho, na ribeira de Caranza, nas imediaçons da Rua Cartagena, no antigo campo de terra batida, desde as 6 da tarde até a madrugada do dia seguinte.

Nove veces há que saltar a fogueira recitando os benefícios que queres ou os males que queres espantar, para que cumpra o lume os seus poderes na noite meiga.
Mas também há quem pom o cacho da noite das lumeiradas, ervas medicinais e aromáticas com água, deixadas numha tina ao rocio da noite, para o asseio purificador da manhá.

Nom faltes!

Como chegar?
Ver onde queda a zona da lumeirada en Google Maps

A Revolta
_________________

Galeria Fotográfica do Acto Unitário pola Língua, celebrado na Praça Rosália de Ferrol

2010-05-16T23:48:00.001+02:00

Este Sábado 15 de Maio de 2010, celebrou-se o acto unitário pola Lingua, na Praça Rosália de Castro de Ferrol. Música, Poesia, manifestos, ... em defensa do Galego.

Esta é a Galería Fotográfica do Acto.

Fonte: http://picasaweb.google.es/fucobuxan
__________________

Autoconvocatória, para o Sábado 15 de Maio, polo Dia d'As Nossas Letras 2010

2010-05-12T14:10:00.002+02:00

Celebrando a nossa Língua

Como todos os anos, na Praça Rosalia de Castro do Concelho de Ferrol, haverá umha homenagem à nossa Língua na figura da precursora da recuperaçom das nossas letras. Em anos anteriores, e em regime de autoconvocatória, várias organizaçons e colectivos vizinhais, sociais e culturais coincidíamos o 17 de Maio neste pequeno acto. Este ano, com tantos ataques para a nossa Língua, está convocada pola Plataforma Queremos Galego, umha manifestaçom nacional em Santiago de Compostela que apoia o nosso colectivo É polo que, nos animamos a tomar a iniciativa de impulsar o acto da Praça de Rosalia trasladando-a para o sábado 15 às 18hs, mantendo o regime de autoconvocatória.

[Clicar acima da imagem para entrar na Galeria de Diapositivos a grande resoluçom]
[Achegada pola A.C. Fuco Buxan]

Todas as associaçons e colectivos podem intervir no acto com comunicados, poesias ou outras intervençons. Podem-se levar umhas flores como outros anos. As pessoas a título individual também podem fazê-lo, e desde A Revolta convidamos a quem assim o deseje a assistir co traje tradicional como um outro jeito de reivindicar a nossa identidade. Nós ponheremos a música.

GALICIA será a miña xeración quen te salve?
Irei un día do Courel a Compostela por terras liberadas?
Non, a forza do noso amor non pode ser inutil!
Uxio Novoneira

Nota.-
As entidades que decidam participar, seria bom que remitiram um comunicado aos medios, no que manifestem o seu apoio e participaçom no Acto Unitario en prol da Língua Galega que, em régime de autoconvocatoria, vai ter lugar em Ferrol, o Sábado 15 de Maio, às 6 da Tarde na Praça Rosalia de Castro.

Mil Primaveras mais para a nossa Língua !!

No nome d'A Revolta

André Martínez Ces
--

O Antroido d'O Roxal 2010

2010-02-13T13:30:00.001+01:00

Ainda sem um euro de ajuda do Concelho de Neda, o Antroido d'O Roxal brilhou coma sempre na noite desta sexta-feira. É sem dúbida umha noite acolhedora mesmo chova ou, coma sucedia onte, o nordés convertise em geo qualquer intento de saír do polideportivo municipal. Como bem dixo umha das cantantes da orquesta Trebol, “estamos em família”. E assim nos acolhérom a S.C.D. Roxal e a AA.VV. San Pelayo. Poucos medios, mas todo generosidade, bom trato e alegria por parte da organizaçom. A presentadora animou a festa depois de que as comparsas desfiláramos polas estradas e as corredoiras, mesmo arremeteu contra a gente que nom acudira à festa disfrazada “um pucho, umha saia velha, e que nom hai farrapos em Xuvia, ou no Roxal?” Palavras que fórom moi celebradas polas comparsas. Orelhas salgadas e doces, chouriço ... foi a ceinha para aguantar na festa, juntou-se ao que cada quem levava na mochila. Logo a bebida a preços asequíveis, e umha verbena só interrumpida para dar os prémios e a colaboraçom económica para as comparsas. Desde logo desde A Revolta nom temos mais que reconhecimento para estas duas associaçons que tanto ajudam a manter vivo o Antroido, junto a muitos choqueiros, antroidos ou mascaritas que nom parárom de bailar em toda a noite. Se vos animades outra vez a organiza-lo, nós volvemos. Graças.

- Ah ! O do prémio que?

- Pois isso que já pilhamos.

- E que pilhamos ?

- Nom o sabes ? O prémio à originalidade e vestimenta.

- E como é que nom hai fotos nem vídeos neste post ?

- Pois que vai ser, pois que com as presas e os “nérvios” do primeiro dia ninguém se lembro de levar cámara. Assim que do bem que o passamos n'O Roxal, nom hai documento gráfico. Tomar nota ...

- Mágoa.

Aviso moi importante:

E hoje, Sábado -13.02.10-, imos a Narom, às 5 da tarde na Solaina - Santa Icia, para saír em Passa-Ruas até a Praza de Galiza, onde, passadas às 6 da tarde comezarám as actuacións das comparsas.
E manhá, Domingo [14.02.10], em Ares, também às 5 da Tarde.
O Martes [Terça-Feira - 16.02.10] , em Ferrol, às 7 da tarde na Praza de Amboage.
O Mércores [Quarta-Feira - 17.02.10], em Fene, às 6 da tarde em Perlio.
O Venres [Sexta-Feira - 19.02.10], O Enterro da Sardinha em Ultramar de Ferrol, às 8 da tarde, na cabeça da Rua Venezuela, perto d'As Pias.
O Sábado [20.02.10], em Pedroso de Narom, às 8 da tarde, no Centro Social e Cultural.

__________

Agenda de Actuaçons d'A Revolta neste Antroido 2010

2010-01-26T13:35:00.003+01:00

Antroido 2010

Dia 12 de Fevereiro -Sexta Feira Venres- no Roxal em Neda [Por confirmar].
Dia 13 de Fevereiro -Sábado- em Narom.
Dia 14 de Fevereiro -Domingo- em Ares [Por decidir].
Dia 16 de Fevereiro -Terça Feira Martes- em Ferrol.
Dia 17 de Fevereiro -Quarta Feira Mércores- em Fene.
Dia 19 de Fevereiro -Sexta Feira Venres- em Ultramar de Ferrol.

Coordena André no telemóvel: 605 455 340
___________

Ampliaçom das jornadas de Ensaios para o Antroido

2010-01-23T23:22:00.002+01:00

Ensaios da Revolta
23 de janeiro de 2010 23:22

A Todo o Colectivo:

Pola proximidade do Antroido ampliam-se os ensaios:

Sabados às 5 da tarde.
Domingos às 6 da tarde.
E Segundas, Quartas e Sextas Feiras, [Luns, Mércores e Venres] para fazer os traxes a partir das 6 da tarde.

André

Colectivo Sociocultural A Revolta de Trasancos
.........

A Revolta no Magosto Popular contra a Planta de Gas que organizou o Comité Cidadám

2009-11-08T00:11:00.008+01:00

Organizado polo "Comité Cidadán de Emerxencia para a Ría de Ferrol", celebrou-se, este Sábado 7 de Novembro de 2009, entre as 6 da tarde e 10 da noite, na Praça do Inferninho de Ferrol, um Magosto Popular e o 1º Concurso de Cabaças: “A Ría é nosa e non de Reganosa”, com prémios às categorias infantil e adulto, dentro do Magosto Popular contra a planta regasificadora de REGANOSA, planta de gás, irresponsabelmente instalada no coraçom da nossa Ria, no concelho de Mugardos.

A Revolta de Trasancos consigueu o primeiro prémio como colectivo e o pequeno Adrián, de 5 anos de idade, também componhente d'A Revolta, levou o primeiro prémio na categoria de infantil. Apesar da forte chuvia, ainda que intermitente, moitas forom as pessoas que se achegárom até o Magosto do Comité. Na baixa luminosidade da praça do Inferninho, as cabaças acesas resaltavam as consignas reivindicativas que as adornavam. O frío e o mal tempo, nom impedirom disfrutar do lume, das castañas, viño, liscos e música.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org

Fonte: http://picasaweb.google.com/trasancosebezoucos

Enlace coa apresentaçom de diapositivos em alta resoluçom

Para baixar as fotográfias nun dos dous enlaces:

______________________

Magosto Popular contra a Planta de Gas, este Sábado 7 de Novembro

2009-11-04T00:05:00.001+01:00

[Para ampliar clicar acima do cartaz]

Organizado polo Comité Cidadán de Emerxencia para a Ría de Ferrol, este Sábado 7 de Novembro 2009, ás 6 da tarde, na Praza do Inferniño de Ferrol. Terá lugar o 1º Concurso de Cabazas: “A Ría e nosa e non de Reganosa”, Con premios ás categorias infantil e adulto, dentro do Magosto Popular contra a planta regasificadora de REGANOSA, instalada no corazón da Ría, no concello de Mugardos.

Ven e participa ! Haberá castañas, viño, liscos e música.

¡PLANTA DE GAS FORA DA RÍA!

--
Para apoiar e colaborar co Comité Cidadán:

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org

Enviado por:
Comité Cidadán de Emerxencia
-comitecidadan@gmail.com-
31 de outubro de 2009 00:05

Fonte: Colectivo Ártabra 21

____________________

Samaim e Magosto 2009

2009-11-03T23:52:00.006+01:00

A Revolta celebrou este Samaim e Magosto 2009 no Parque "Carmelo Teixeiro" de Caranza.

Enlace co carrusel de diapositivos en alta resoluçom

Enlaces co Álbum d'A Revolta deste Magosto e Samaim 2009:

Enlace relacionado:

A Revolta apanhando castanhas para o Magosto 2009

_____________________

Acta da Asamblea da Revolta do 24 de Outubro de 2009 no Galicia de Caranza.

2009-10-28T20:31:00.004+01:00

[Para ampliar clkicar acima da foto]

Reunida a Revolta o Sábado 24 de Outubro ás 5 da tarde no Galicia de Caranza decidimos:

Celebrar o Magosto-Samain em Caranza. Se nom chove vamos ao parque de Caranza xa vamos a comer lá e despois de comer preparamos o Magosto-Samain. Cada um tem que levar a sua comida. Se chovera pasariamos a celebralo no patio cuberto da escola Masdias de Caranza, pero xa nom iriamos a comer senom a meia tarde.
Cada persoa da Revolta pode convidar a quem queira para participar no Magosto-Samain.
A grelha traen-na Paula e Agulho. Jose vai mirar se tenhem tambem eles o bombo da lavadora.
Quique e Koka traem cabazas e Pili e Isma tambem.
Maria e Jose traem castanhas e Fátima tambem.
Liscos e pam Lupe.
Refrescos e vinho Isma. Licores quedou a xente de baixalos da casa.
Lenha Quique e Jose, caixas de madeira fina André.
Quem queira lavrar as cabazas tem que traer a sua propia ferramenta. As velas pon-nas A Revolta.
Acordouse mercar um grupo electroxeno que está de oferta em Alcampo 120 euros. Encargou-se Jose.
Fazer solicitude por escrito do patio cuberto ao Masdias, encarga-se Lupe.
Acordamos fazer uma nota de prensa em apoio da escola Masdias e em defensa do ensino público. Encarga-se Lupe.
Trala solicitude do Comité Cidadan de Emerxencia, acordamos participar como Revolta no magosto reivindicativo Planta de Gas Fora da Ria. Celebrara-se o próximo 7 de Novembro ás 6 da tarde no Inferninho no centro Carvalho Calero. Participaremos tambem no concurso de cabazas que transcurrirá durante o magosto com a temática da loita contra a planta de gas.
Decidimos entrevistar-nos com Natalia do concelho de Narom. Decidiu-se mandar a André e que este fale com Agulhó para ir os dous a falar com ela para solicitar um local.
Acordamos proponher a Agulhó como portavoz da Plataforma Queremos Galego pois falta na portavocia da plataforma a parte obreira que tam importante é para a defensa do noso idioma.

__________

Assembleia d'A Revolta, o Sábado 24 de Outubro às 5 da Tarde no Galicia de Caranza

2009-10-24T00:13:00.001+02:00

Segundo proposta de André, o motivo para celebrar a assembleia é que temos as castanhas e as cabaças pero falta-nos por decidir:

Um lugar e hora para celebrar o Magosto-Samain. (imos a xantar alí ou vamos a meia tarde)
Se o vamos a publicitar ou nom.
Quem se encarrega de traer a grelha.
Quem se encarrega de traer o bombo de lavadora para assar as castanhas.
Quem trae as cabaças de casa de Kike-Koka.
Quem trae as castanhas de casa de Maria-Jose.
Quem compra os liscos e o pam.
A bebida para os maiores e as crianças, compra-se ou cada um trae o que puída?
Quem se encarrega de traer a lenha ou caixas de froita para queimar.
Quem trae ferramentas para lavrar as cabaças (som grandes) e velas para ponher dentro.
...
...

Lupe propom:

... queria que falaramos da nossa participaçom no Magosto da Planta de Gás que vai ser o sábado 7 de Novembro na Praça do Inferninho. Vai a haver concurso de cabaças com prémio infantil e adulto. O Comité solicita-nos acompanhar com música.
Também queria retomar os ensaios de cançons tradicionais, sei que mentres nom tenhamos local próprio vai ser muito difícil, mas temos possibilidades de ter o local da AAVV de Covas para nós os fins de semana. Alí nom molestamos ainda que toquemos à noite. Koca está na directiva e falou de que nom havia problema.

Vemo-nos no Galicia de Caranza !

__________________

A Revolta apanhando castanhas para o Magosto 2009

2009-10-14T20:26:00.008+02:00

[Clicar acima da foto para ampliar]

Como quedaramos na última reuniom d'A Revolta, este Domingo 11 de Outubro fumos jantar a Fraga de Caaveiro. Nas imediaçons apanhamos castanhas, uns poucos quilos que estám secando num falhado. O grupo de intrépid@s foi numeroso, entre eles moitas crianças que o passarom, pensamos que moi bem, ou isso parecia. Gozamos dum lindo dia num paragem natural singular. Vemo-nos o 31 de Outubro no Magosto - Samaim 2009.

[Pendente de subir um vídeo e galeria de Diapositivos]

Voltar a este post em poucos dias
________________

Autocarros que saem desde diferentes lugares da Comarca para ir até Compostela à Manifestaçom Nacional em defensa da nossa Língua

2009-10-14T18:58:00.007+02:00

Autocarros que saem desde diferentes lugares da Comarca para ir até Compostela à Manifestaçom Nacional em defensa da nossa Língua que se celebrará o Domingo 18 de Outubro, com saída prevista às 12 do meio-dia desde a Alameda.

Saída às 10:00 horas, desde as imediaçons da Praça de Galiza em Narom, passando por Neda. O retorno será ao final da manifa quando rematem todos os actos. O contacto é Eva, no móvel 607 082 232.
Saída às 10:00 horas, desde a Praça de Galiza em Ferrol [Diante do Edifício de Correios]. O retorno será sobre ás 3 da Tarde. O contacto é Ana, no móvel 689 392 861.
Saída às 10:00 horas, desde a Praça do Concelho de Fene. O retorno será sobre ás 5 da Tarde. O contacto é Ana, no móvel 696 633 772.
Saída às 10:00 horas, desde a Praça do Concelho d'As Pontes. O retorno será ao final da manifa quando rematem todos os actos. O contacto é Velucho, no móvel [pendente].
Saída às 09:15 horas, desde a Rotonda da Praça de Galiza de Cedeira, passando por Valdovinho. O retorno será ao final da manifa quando rematem todos os actos. O contacto é Xavi, no móvel 647 585 384.
Saída às 10:00 horas, desde diante do Concelho de Mugardos, passando por Ares. O retorno será ao final da manifa quando rematem todos os actos. O contacto é Fernando, no móvel 699 821 073.
Saída às 10 da manhá, desde Pontedeume. O retorno será ao final da manifa quando rematem todos os actos. O contacto é [pendente], no móvel [pendente]. [Todo pendente de confirmar].
Saída às 09:45 horas, desde a Praça do Concelho de Sam Sadurninho. O retorno será ao final da manifa quando rematem todos os actos. O contacto é Suso, no móvel 670 854 329.

_______________

Videos da Ruada en Ferrol en defensa da Lingua, deste Xoves 8 de Outubro convocado pola plataforma cidadá "Queremos Galego"

2009-10-14T18:11:00.005+02:00

Este Xoves, 8 de Outubro polas rúas de Ferrol transcurriu unha ruada reivindicativa organizada por Queremos Galego, plataforma recientemente constituida na comarca de Ferrol Terra, para a defensa do galego, como resposta social á situación de emerxencia que vive a nosa lingua e ás agresións que mesmo parten desde as institucións autonómicas.

Un detalle da intervención de Xaquín Campos, un dos portavoces da plataforma cidadá Queremos Galego, na comarca de Ferrol Terra.

Fonte: http://www.youtube.com/watch?v=7eT0Pf30QPA

Detalle do reteiro reivindicativo pola rúas de Ferrol.

Fonte: http://www.youtube.com/watch?v=ZUmeVUmGlIs

Web da Plataforma Cidadá:
http://www.queremosgalego.org

Fonte: Colectivo Ártabra 21
__________

Acordos da reuniom do Sábado 3 de Outubro de 2009

2009-10-06T19:24:00.007+02:00

De: André M. Ces -andre.martinez.ces@gmail.com-
Para: a.revolta.de.trasancos@gmail.com
Data: 4 de outubro de 2009 20:05

Acta da Asembleia d'A Revolta do 3 de Outubro de 2009

Na Asembleia d'A Revolta celebrada em Caranza o Sábado dia 3 de Outubro de 2009 decidiu-se:

Participar na xestora comarcal da plataforma cidadá Queremos Galego, e por a cuota de 100 euros ao ano. Como representante d'A Revolta na plataforma nomeou-se a André.
Participar coa nosa música no pasarúas reivindicativo que a plataforma Queremos Galego convoca para o xoves 8 de Outubro ás 19hs. na Praza de Armas.
Participar na manifestaçom que convoca a plataforma Queremos Galego para o Domingo 18 de Outubro ás 12hs. em Compostela. Acordamos ir no mesmo bus e para iso hai que mandar um correio a André ou avisa-lo por tlf.605455340 comunicando-lhe o nº de persoas que vai da Revolta, para que nos anote como Revolta nos buses da CIG ou nos da plataforma Queremos Galego.
Decidimos ir o Domingo 11 de Outubro a Caaveiro a apanhar castanhas para despois o 31 de Outubro celebrar o Magosto-Samain. Quedamos ás 12hs. em Potedeume na escola de hostalaria despois da gasolinheira. Hai que levar de comer e um saquinho para apanhar as castanhas. Temos que levar propostas de lugares onde celebrar o Samain-Magosto d'A Revolta do dia 31 de Outubro. Se a previsom do tempo fose mala avisariamo-nos por correio e telf. para proponher outro dia.
Decidimos solicitar entrevista coa persoa reponsable dos locais do Concelho de Narom, para solicitar um espaço para poder reunir-nos agora que chega o inverno. O local tem que cumprir duas condiçons, que se poda fazer ruido e que os nenos e as nenas tenham espaço para xogar. Nomeou-se a Paula López para este trabalho.
Decidimos que Jose encargue o bombo, para levalo a Cormorán e imprimir-lhe o anagrama d'A Revolta.
Decidimos as talhas das camisolas da Revolta que Pili vai encargar-lhe a Cormorán.

Nota. - Esta acta é provisional até a próxima reuniom, polo quem pense que falta algo ou que nom é assím o acordado que envie um correio-e explicando o assunto:

a.revolta.de.trasancos@gmail.com

Outra foto:

___________________

A Revolta de voda

2009-10-05T21:14:00.005+02:00

[A voda de Pulinha - Ferrol -18.07.2009]

O sábado 18 de Julho, unha representaçom d'A Revolta, acudiu às portas do paço municipal "Torrente Ballester", para pôr umhas notas de música tradicional na saída da cerimónia civil de Paulinha e Roberto. Foi o agasalho d'A Revolta a dous dos seus componhentes, Paula López e Vitor Agulló, que nom queriam que esse dia faltassem os "pasodobles" e as muinheiras. Ao final da pequena actuaçom a parelha posou deste jeito c@s instrumentistas.
_________________

A vindeira Quinta-Feira, 8 de Outubro está convocado um Passa-Ruas em Ferrol

2009-10-03T16:47:00.004+02:00

[Clicar acima da imagem para ampliar o Cartaz]

Web da Plataforma Cidadá:
http://www.queremosgalego.org
_________________

O 18 de Outubro: Manifestaçom Nacional em Compostela na defensa da Língua

2009-10-03T16:33:00.004+02:00

O Café Casino de de Compostela acolheu na manhá do 17 de Setembro o primeiro dos actos públicos da Plataforma Cidadá Queremos Galego, que nascera em Julho logo dum processo popular de debate que deu como resultado a constituiçom do amplo organismo social, cultural, sindical e político para dar umha resposta às medidas regressivas para o galego e a nossa cultura que o governo conservador do PP que hoje, despois das eleiçons do 1 de Março deste 2009, está na Xunta de Galicia e têm maioria no Parlamento da Comunidade Autónoma. Na conferência de imprensa celebrada, Fran Rei, em representaçom da comissom gestora da Plataforma Cidadá Queremos Galego, deu conta do processo de expansom territorial no que neste momento se encontra a plataforma, com a perspectiva de que nos vindeiros dias concluam os actos constituintes, previstos num total de 19 comarcas que abrangem, segundo explicou, “a prática totalidade do País”. Será entom quando se conheça o número de entidades e pessoas a título individual que componhem a plataforma, “se bem os actos que já se realizárom estám a caracterizar-se por umha assistência que mesmo soborda as previsons”, indicou. A Plataforma Cidadá Queremos Galego anunciou a data da grande manifestaçom em favor da língua cuja convocatória já adiantara no mês de Julho: será o vindeiro 18 de Outubro em Santiago de Compostela e partirá às 12 do meio-dia da Alameda.

Vídeo do Acto no café casino de Compostela:

Fonte: Avante

Web da Plataforma Cidadá:
http://www.queremosgalego.org
______________

Reuniom d'A Revolta hoje 3 de Outubro em Caranza

2009-10-03T12:53:00.001+02:00

Hoje 3 de Outubro às 5 da tarde vai ter lugar umha Assembleia Geral d'A Revolta de Trasancos, no Parque Carmelo Teixeiro de Caranza, para tratar os seguintes puntos da orde do dia:

Informaçom sobre a Assembleia Constituinte da Plataforma Cidadá "Queremos Galego" que se celebrou hai uns dias no Ateneo Ferrolán.
Posiçom d'A Revolta ante esta Plataforma Cidadá.
Convocatória, pola Plataforma Cidadá "Queremos Galego" dum Passa-Ruas em Ferrol, a vindeira Quinta-Feira, 8 de Outubro, às 7 da tarde na Praça do Concelho.
Iniciativa Legislativa Popular em defensa do Galego.
Manifestaçom Nacional em defensa da Língua, o 18 de Outubro [Domingo] em Compostela, às 12 do meio-dia, convocada por "Queremos Galego".
Preparaçom do Magosto e o Samaim 2009, d'A Revolta.

Outros assunto.

Participar é de sabi@s !
______________

Convocada umha reuniom no "Ateneo Ferrolán", o vindeiro 17 de Setembro, para a constituiçom, a nivel comarcal, da Plataforma "Queremos Galego"

2009-09-15T21:01:00.006+02:00

A vindeira quinta-feira 17 de Setembro no local do Ateneo Ferrolán às 8 da Tarde coa intençom de conformar, a nivel da comarca de Ferrol, a plataforma social em defensa da língua: "Queremos Galego".

O que segue é o manifesto de constituiçom a nivel nacional:

Queremos Galego
Ampla plataforma social en defensa da nosa lingua
14.07.2009

Por que?

Atopámonos nunha verdadeira situación de emerxencia no que á situación do galego se refire: o goberno do Partido Popular, co importante apoio de grandes poderes fácticos, está embarcado nunha auténtica guerra contra o noso principal elemento de cohesión como pobo; xa non só no discurso, mais tamén a través de iniciativas concretas: supresión do artigo 35 da Lei da Función Pública, consulta fraudulenta sobre o uso do galego no ensino ás familias, anuncio de derrogación do decreto 124/07…

O pasado 17 de maio máis de 50.000 persoas percorreron as rúas de Santiago de Compostela, na máis multitudinaria das manifestacións en favor do noso idioma propio que se recorde, pedíndolle a Alberto Núñez Feijóo que el e o seu goberno se apropien de vez do galego; que, mentres o Presidente da Xunta divide e dificulta a convivencia, o galego une e cohesiona a toda a sociedade.

A convocatoria de dita manifestación foi organizativamente asumida pola Mesa, como vén acontecendo desde hai xa anos, porén esta asociación é moi conscientes de que non estivo soa nas rúas baixo a chuvia: os máis de 680 apoios colectivos expresados, a través do Manifesto a prol da convivencia lingüística e a igualdade de dereitos para o galego, así o evidencian, ben como as máis de 26.000 sinaturas individuais xa recollidas.

Lonxe de se deter, a necesidade de actuar socialmente a prol do galego continuou após o 17 de maio e, felizmente, continúa. Coa posición unitaria da amplísima maioría das entidades representativas da comunidade educativa galega contra os plans de demolición do goberno da Xunta e a consulta trampa ás familias promovida desde este para tentar xustificar a súa medida. Aínda recentemente, con novas iniciativas sociais, quer colectivas quer desde posicións individuais, sen dúbida moi interesantes e que fan ver que somos moitas e moitos os que queremos a nosa lingua propia.

Neste excepcional momento, ateigado de perigos, mais tamén con oportunidades, os tempos son chegados e faixe necesaria a creación dunha ampla plataforma cidadá, o máis ampla e representativa posíbel, que sexa quen de canalizar iniciativas de traballo concretas a prol da lingua e, ao tempo, converterse en referente de amplos sectores da cidadanía. Unha estrutura para a que se colle o nome Queremos Galego, que sirve como punto de encontro; como camiño común cara a un obxectivo que a todas e a todos nos afecta e implica: a lingua; como espazo colectivo no que poidan converxer as diferentes iniciativas sociais xa publicamente formuladas e mais todas aquelas que no sucesivo puideren surxir.

Como?

Para facilitar a activación e viabilidade organizativa dunha plataforma social que sexa todo o ampla posíbel, e que mesmo fique aberta para que en calquera momento se poidan incorporar novas entidades e persoas a nivel individual, aqueles colectivos e persoas dispostos a adheriren a Queremos Galego pasan a facer parte dun Plenario que, por súa vez, escolle unha Comisión Xestora Nacional, encargada das tarefas de coordenación xeral da plataforma e do funcionamento executivo. É o Plenario quen acorda os criterios de funcionamento e composición de aquela, así como da plataforma en xeral.

Seguindo o exemplo de Nunca Máis, articúlase a plataforma a nivel das diferentes comarcas do país, de xeito que nese chanzo poidan participar máis activamente entidades locais e comarcais de todo tipo.

Queremos Galego contará cunha serie de portavoces públicas/os, persoas relevantes de diferentes ámbitos da vida social, encargadas/os de falaren en nome da plataforma e que poderían integrar a Comisión Xestora da maneira en que determinar o Plenario. Hai portavoces a nivel nacional e tamén a nivel comarcal.

Para que?

Calquera iniciativa colectiva que se constituír debe ir directamente ligada a propostas concretas de traballo, viábeis organizativamente e socialmente útiles pola funcionalidade que poden ter á hora de transmitir á sociedade un discurso favorábel á nosa lingua propia. É por iso que se articula o traballo concreto da plataforma arredor do apoio e difusión dunha Iniciativa Lexislativa Popular (ILP) en defensa dos usos públicos do galego. Unha proposta lexislativa que blinda os dereitos lingüísticos das galegas e galegos e garante o uso público por parte das diferentes administracións.

O impulso e difusión dunha ILP ten unha serie de implicacións, económicas e de traballo, que as entidades que conforman a plataforma Queremos Galego asumen, cada unha en función das súas posibilidades, para que a propia iniciativa vaia adiante.

O dereito á Iniciativa Lexislativa Popular está recollido no art. 87 da Constitución española e regulado pola lei galega 1/1988, que estabelece as condicións para o exercer así como os mecanismos a seguir.

Unha Comisión Promotora, composta por un mínimo de 15 persoas individuais, maiores de idade e censuadas nalgunha das catro circunscricións electorais de Galiza, faille chegar á Mesa do Parlamento unha proposta de texto legal articulado, o cal ten que cumprir unha serie de condicións para que esta admita a trámite a petición. Caso afirmativo, a dita Comisión Promotora ten un período de 4 meses (prorrogábeis por outros tres, se houber causa xustificada), a iniciar ao día seguinte da comunicación oficial, para recoller un mínimo de 15.000 sinaturas válidas, cifra imprescindíbel para a ILP ser considerada válida, entre cidadás e cidadáns maiores de idade, censuados nalgunha das catro provincias. As sinaturas, que deben conter datos persoais que coincidan literalmente cos do censo, terán que ir en pregos validados pola Xunta Electoral e serán logo autenticadas, unha a unha, diante deste mesmo organismo.

A Comisión Promotora poderá nomear persoas fedatarias, responsabilizadas da custodia e xestión dun determinado número de pregos de sinaturas, as cales terán que responsabilizarse da autenticidade dos apoios achegados perante a Xunta Electoral.

De concluír correctamente o proceso, o Parlamento publicará e aceptará a trámite a ILP, porén pode tomala en consideración ou non. Caso de acordo favorábel, a ILP seguiría o seu trámite parlamentar como unha lei común.

Enviado por:
André M. Ces
-andre.martinez.ces@gmail.com-
13 de setembro de 2009 17:08
_________________

Enlace relacionado:

Nace a plataforma Queremos galego, a prol da defensa da lingua - Integrada, nun principio, por 40 entidades sociais, aspira a impulsar unha iniciativa lexislativa popular e convocar unha manifestación nacional no outono - Vieiros 23/07/2009

Fonte: Colectivo Ártabra 21
___________________

Lumeirada d'A Revolta 2009

2009-07-21T11:24:00.009+02:00

[Clicar acima da foto para ampliar]

Este passado 23 de Junho foi a Lumeirada d'A Revolta 2009, todo un suceso como anos anteriores, onde a festa, a música, as sardinhas, os chouriços, a cerveja e o vinho, fórom os protagonistas junto a grande Lumeirada que prendimos ás 12 da noite.

Muita gente foi-se achegando até o antigo campo da terra batida, na ribeira de Caranza, perto do parque "Carmelo Teixeiro". Desde as 6 da Tarde até as 2 da madrugada do día seguinte, houvo festa.

Assim foi como celebramos o solstício de verám. O lume foi o grande protagonista nesta noite meiga e de divertimento, onde dimos a entrada ao verám, na noite mais curta do ano.

Vídeos da Lumeirada 2009:

__________

Contribuindo na Luita contra a Planta de Gás

2009-07-21T10:31:00.004+02:00

[Clicar acima da imagem para ampliar]

O passado 23 de Julho tivo lugar a Lumeirada da Revolta 2009. A Lumeirada foi todo un éxito. Como o passado ano, o nosso Colectivo decideu que todos o beneficios que tiraramos da lumeirada 2009, foram para apoiar a loita de oposiçom à Planta de Gás que REGANOSA construíu em Mugardos dentro da nossa Ria. Polo que se decidiu ingressar os cartos: 572,58 €, na conta do Comité Cidadán de Emerxencia para a Ría de Ferrol.

Planta de Gás Fora da Ria !
_____________

Proposta para fazer as camisolas que acordamos na última Assembleia

2009-06-14T20:45:00.005+02:00

[Clicar acima da imagem para ampliar]

________

Proposta para o Bombo d'A Revolta

2009-06-14T19:07:00.006+02:00

Na última Assembleia d'A Revolta acordou-se comprar um bombo e serigrafia-lo

Assim o anagrama ...
Assim quedaria o Bombo pintado ...

_____________________

O Solstício de Verám celebraremo-lo prendendo lume a umha grande fogueira: Lumeirada d'A Revolta 2009

2009-06-08T12:10:00.011+02:00

O Colectivo Sociocultural A Revolta de Trasancos, organizamos, como é habitual desde há já 11 anos umha lumeirada para celebrar o solstício de verám. O lume vai ser o grande protagonista nesta noite meiga e de divertimento, onde celebraremos a chegada do verám, na noite mais curta do ano.

O Solstício de Verám 2009 celebraremo-lo prendendo lume a umha grande fogueira, mas nom faltará a festa com sardinhas, chouriços, pam, vinho, cerveja, danças, música, ...

Como nom podia ser doutro jeito, a Lumeirada d'A Revolta 2009, vai ter lugar a Terça-Feira [Martes], 23 de Junho, na ribeira de Caranza, nas imediaçons da Rua Cartagena, no antigo campo de terra batida, desde as 6 da Tarde até a madrugada do dia seguinte.

Nove veces há que saltar a fogueira recitando os benefícios que queres ou os males que queres espantar, para que cumpra o lume os seus poderes na noite meiga.

Mas também há quem pom o cacho da noite das lumeiradas, ervas medicinais e aromáticas com água, deixadas numha tina ao rocio da noite, para o asseio purificador da manhá.

Nom faltes!

A Revolta

Exibir mapa ampliado
_________________

Enlace de interesse:
Traballo de Xosé Carlos Villaverde Román
___________________

Lumeirada 2009 d'A Revolta em Caranza

2009-05-30T22:41:00.013+02:00

Acordos da reuniom celebrada o 30 de Maio

Na Assembleia d'A Revolta, celebrada no Parque de Caranza "Carmelo Teixeiro", despois da merenda, preparamos a Lumeirada 2009. Despois de muito falar chegamos aos seguintes acordos:

Celebrar a Lumeirada onde sempre no antigo campo da terra batida, à beira da Rua Cartagena, na riveira de Caranza. Desde ás 6 da Tarde, a Terça-Feira, 23 de Junho. Mas desde pola manhá estaremos preparando a zona: ambientando-a, preparando o balcom e apanhando madeira, para construir a lumeirada.
Os benefícios que tiremos, como o ano passado, irám para o "Comité Cidadán de Emerxencia para a Ría de Ferrol" na súa luita para o desmantelamento de REGANOSA.
Ambientar a Lumeirada na luita contra a Planta de Gás [André].
Comunicar no Concello que imos fazer a Lumeirada, pedir um ponto de toma eléctrica e contentores de lixo [Inácio].
Encarregar a Serxio umha caixa de Sardinhas em Cedeira [Lupe].
Encarregar 12 Kg de Chouriços [Pili].
Encarregar o Pam em Migas, 28 Kg em bolas dum [André].
Preparar o balcom e encarregar bebidas e outros assuntos [Isma].
A instalaçom eléctrica quedou para Jose.
Pedir-lhe o cartaz a Cholo.
Quedam encarregados da Lenha para assar: Coca, Quique e Jose.
A Lenha para queimar é cousa de tod@s.

Outros temas que acordamos Som:

Decidimos apresentar-nos ao concurso da Rádio Galega "Apolo Ghit 2009", coa cançom do Ave e música da Munheira de Santo Amaro. Quedarom Pili e André de consultar as bases. No caso de que nom poda ser com essa música Isma teria que adaptar algummha das suas composiçons.

Decidimos comprar um bombo para A Revolta, pintar-lhe o anagrama e ponher-lhe o nome "Colectivo Sociocultural A Revolta da Terra de Trasancos" [Isma].

Decidimos fazer camisolas [Pili].

Celebrar o "SamPedro", Sábado 26 de Junho, cum jantar d'A Revolta em Caranza. Cada quem que leve algo de comer para compartir. Imos ter preparada umha grelha para assar.
_______________

A Revolta apresenta alegaçons contra a ampliaçom de REGANOSA

2009-05-30T11:58:00.006+02:00

Como assím acordamos no Jantar do Primeiro de Maio, Isma apresentou o passado 6 de Maio no registro da Xunta de Galicia as alegaçons dirigidas à "Direción General de calidadd y Evaluación Ambiental do Ministerio de Medio Ambiente, Medio Rural y Marino" contra a ampliación da capacidade de produçom de REGANOSA que como sabedes significa a construçom de mais vaporizadores de gas que funcionam com água da nossa Ria, aumentando os já vários centos de miles de metros cúbicos de água marinha [vários centos de milhons de litros] que na actualidade, a Planta de Gás vem recolhendo, para regasificar, verquendo de novo a água à Ria moi enfriada e morta, pois o gás natural liqueficado - GNL/LNG esta -161 °C e tenhem-no que pôr entre uns 6 ou 8 °C, ademais para manter as tuberias dos serpentins e outros circuitos tubulares, misturam a água com hipocloritos que ainda que despois dim tratar, esta volta à Ria morta despois do processo de "esterilizaçom", detereriorando, ainda mais do que está, a Ria de Ferrol e a sua riqueza marisqueira. E por outra banda, aumentar a capacidade de regasificaçom quere dizer que vam entrar o duplo de buques gaseiros dentro da nossa Ria, en conseqüência aumentando deste jeito o risco de accidentes e a inseguridade das pessoas que moramos na contorna.

[Clicar acima da imagem para ampliar o detalhe das alegaçons]

_________________

Homenagem a Rosalía de Castro e defesa da Língua diante das anunciadas políticas contra o Galego da direita no novo governo da Xunta de Galicia

2009-05-16T20:41:00.010+02:00

[Clicar acima da imagem para entrar na Galeria de Diapositivos a grande resoluçom]
[Achegada pola A.C. Fuco Buxan]

Hoje véspera da grande mobilizaçom nacional que vai ter lugar em Compostela, manhá Domingo 17 de Maio 2009, tivo lugar, em Ferrol, um acto aberto e unitário a prol da língua na praça Rosalia, no bairro de Sam Xoán-Bertón. Praça simbólica que leva o nome da nossa Poetisa Nacional "Rosalia de Castro". Esta Praça de significado simbolismo está destinada a converter-se, no lugar da convivência, da uniom, da luita de todas as pessoas boas e generosas que estám dispostas a defender a nossa língua.

Na praça, às 12 do meio-dia, juntaram-se um número importante de pessoas do movimento social, vizinhal e representantes de diversas entidades culturais da cidade. Estiverom presentes gente do Ateneo Ferrolán, da A.V. "Fontelonga" de Esteiro, da Fundaçom Artábria, da A.V. "O Rosario" do Inferniño, do Toxos e Flores, do Colectivo Ártabra 21, d'A Mesa Pola Normalización Linguística, ... e do nosso Colectivo "A Revolta". Intervinherom: Pili Ces, Carlos Outeiro, Joam López, Vitor Agulló, Rebeca e Pim Patinho.

A música das gaitas e percussom acompanhou o acto, assim como a presência de maiores e crianças com o traje tradicional. As intervençons mostrárom a diversidade do movimento que defende a língua na nossa cidade, houvo quem leu o seu próprio manifesto, quem recitou umhas poesias, quem leu textos, quem fixo reflexons e tivo palavras para lembrar aos que nos deixaram, quem chamou a unidade de todas e todos na defesa da nossa língua, quem convocou à manifestaçom d'A Mesa pela Normalização Linguística e quem convocou à manifestaçom da plataforma Galego Sempre Mais, mas o espírito e a vontade da luita na denfesa da nossa língua nacional, da língua própria da Galiza, foi o que realmente nos uniu. O acto rematou com a música e o canto do Hino da Galiza.

Galería Fotográfica do Acto

Fotos: Mel Sanxoán
________________

Este sábado 16 de Maio em Ferrol, polo Dia das Nossa Letras: Acto Unitário na Praça Rosalia

2009-05-11T20:11:00.012+02:00

[Detalhe do Acto celebrado o passado ano 2008]

No Dia das Nossas Letras, o 17 de Maio, temos por costume render-lhe umha homenagem a Rosalia de Castro na praça de Ferrol que leva o seu nome. Este ano por mor de ir a Compostela a participar na Mobilizaçom Nacional pola Língua que vai ter lugar esse dia, pensamos em fazê-lo o dia anterior, o Sábado 16 de Maio, às 12 do meio-dia.

Desde A Revolta pretendemos que o citado Acto seja unitário como até agora. O ano passado a Associaçom Vizinhal de Sam Joam - Bertom, coordenou o Acto e encarregou-se de fazer um chamamento à participaçom. Sabemos que já é um pouco tarde para que cada associaçom ou colectivo reúna às suas directivas e convoquem para este acto unitário, mas pregamos um esforço, para participar no mesmo.

O Acto consistiria numha concentraçom na Praça Rosalia, em Ferrol, no bairro de Sam Joam - Bertom, desde as 12 do meio-dia, onde cada quem poda ler o seu manifesto em defensa do galego, textos ou poesias, levar flores, livros na nossa língua, ... quem tenha, e assim o julgue oportuno, pode levar o traje tradicional, e nós garantimos que haja cançons e música, ...

Mil Primaveras mais para a nossa Língua !!

Maio, 2009
A Revolta

Nota.-
As entidades que decidam participar, seria bom que remitiram um comunicado aos medios, no que manifestem o seu apoio e participaçom no Acto Unitario en prol da Língua Galega que, em régime de autoconvocatoria, vai ter lugar em Ferrol, o Sábado 16 de Maio, às 12 do meio-dia na Praça Rosalia de Castro.
______________

Na defensa da Língua: O vindeiro domingo 17 de Maio, às 12 do medio-dia, vai ter lugar umha grande mobilizaçom em Compostela

2009-05-11T19:21:00.006+02:00

O vindeiro, día das Nossas Letras, o domingo 17 de Maio, às 12 do meio-dia, vai ter lugar umha grande mobilizaçom em Compostela. As galegas e galegos estamos chamad@s a manifestar-nos na defensa da língua, diante das anunciadas políticas do governo da direita contra a nossa Língua, a língua própria da Galiza. Duas Plataformas con múltiples apoios chamam à cidadania a manifestar-se muha marcha que percorrerá as ruas de Compostela desde a Alameda, enchendo a cidade de cor e reivindicaçom do Galego como língua nacional, como língua com direitos inalienáveis.

A Mesa pola Normalización Lingüística fai um chamamento: "O vindeiro 17 de maio en Santiago de Compostela producirase unha manifestación histórica en defensa da lingua que nos une como galegas e como galegos. Para reivindicarmos o dereito básico a podermos vivir no noso idioma propio, o cal debe ser garantido polos poderes públicos. ..." >> ... [Ler mais]

A Plataforma Galego Sempre Mais fai um chamamento: "O dia 17 de maio é um dia para denunciar nas ruas a única imposiçom lingüística verificável que este país sofre diariamente. E este ano estamos a viver um contexto novo, um contexto cheio de dúvidas e de poucas esperanças para a sobrevivência da língua na Galiza, ... " >> ... [Ler mais]

Quem queira desprazar-se até Compostela em Autocarro tem a posibilidade de fazê-lo apuntando-se nos seguintes telefones:

Desde Ferrol

690 307 245
ou
981 563 885

Os buses sairám às 10:00 hras da Praza de Galiza (diante do Teatro Jofre) Parara-se às 10:45 na gasofeira da AP-9, no Polígono de Vilar do Colo (Fene)
_________________________________

Este Sábado, 9 de Maio, A Revolta junto a um importante número de persoas participarom numha concentraçom e um passa-rúas pola cidade de Ferrol, baixo o lema "Polo direito á escola em Galego" e "O Galego a nossa língua comum".

Galeria de Diapositivos do Acto feita por Fuco Buxán 's Public Gallery:

[Clicar acima da imagem para entrar]
_________

Mobilizaçons na defensa da nossa Língua

2009-05-02T22:56:00.005+02:00

Em vindeiros dias de Maio, vam ter lugar muitas mobilizaçons e actividades na defensa da nosa Língua. O direito a viver no idioma próprio da Galiza, deveria ser um direito garantido polos poderes públicos, mas a chegada do governo do PP à Xunta de Galicia, pom em perigo os nossos direitos, pois pretendem desmantelar as bases xurídicas que garantan um mínimo de ensino em Galego. Os compromissos do Presidente Feijóo co sector social mais ranço na sua cruzada contra a nossa Língua vam continuar aplicando-se, se nom o impedimos todos e todas as boas e generossas desta Naçom.

O Sábado 9 de Maio, às 12 do medio-dia, Concentraçom na Praça do Concelho de Ferrol e posterior passa-ruas polas ruas do centro da cidade, convocada pola Mesa pola Normalización Lingüística. "Polo Dereito à Escola em Galego"

O Domingo 17 de Maio, às 12 do medio-dia, Manifestaçom Nacional em Compostela, convocada pol'A Mesa - MNL" e a plataforma "Galego Sempre Mais"

Desde estas páginas chamamos à unidade na Defensa da Língua. Nesta necessária unidade a responsabilidade está compartida por todos os sectores que tenhem a Defensa da Língua como fim comum e todos os sectores tenhem que tender pontes em pos da necessária unidade.

Enlaces de interesse:

____________________

A Revolta no 1º de Maio de 2009

2009-05-02T09:12:00.011+02:00

Como vimos fazendo em todos os 1º de Maio, este ano 2009 "A Revolta" participou nas manifestaçons que o movimento obreiro da Comarca convocou en Ferrol. Acompanhando com música e berros reivindicativos, na defensa dos direitos da Clase Trabalhadora e por un novo modelo económico e social. Pola tarde tivemos um jantar em CVaranza, no Parque "Carmelo Teixeiro".

O álbum vai-se actualizando coas fotos que vaiam chegando
____________

Chega um Maio de luita e esperança

2009-05-02T08:25:00.006+02:00

A Revolta vai de Maios, este ano 2009 em Canido, o Domingo 3 de Maio às once e media da manhá com flores e xestas, música e cantar, celebraremos a chegada da primavera com umha tradiçom ancestral: "Os Maios".

Disque "O Maio" é um conjuro para botar fora o inverno, ligado ás labouras no campo e no mar. A chegada da primavera era motivo de alegria, as pólas de xesta floridas simbolizam a proteçom. A Revota, nestes novos tempos, vai pôr pólas de xesta florida, fiuncho, rosas, laranxas ... para recever à primavera, queremos um cámbio, queremos combater a Crise, queremos desfazer-nos dessa Planta de Gás que ameaça as nossas vidas, queremos mil primaveras mais para a nossa Língua, este Maio tem que ser moi florido ...
_________________

Carta do "Comité Cidadán de Emerxencia para a Ría de Ferrol"

2009-04-29T22:00:00.000+02:00

A todas as Asociacións
Ferrol Terra, a 29 de Abril de 2009

Prezad@s amig@s:

Reganosa solicitou da Dirección General de Política Energética a ampliación da capacidade de emisión a 825.600 m3 (N)/H, da súa Planta de Regasificación de GNL en Mugardos. Isto supoñería ampliar ao dobre a utilización de auga da nosa Ría, que devolverán á mesma sen vida e a inferior temperatura.

Con este motivo, a Dirección General de Calidad y Evaluación Ambiental, está dirixíndose a distintas Institucións, Organismos, Entidades e Asociacións da nosa Comarca e de Galicia, ao obxecto de consultarlles se cren necesaria a realización do Estudo de Avaliación de Impacto Ambiental, ou se consideran suficiente as medidas de prevención propostas polos propietarios da Planta.

Acompañan a ese escrito un CD informativo elaborado por Reganosa.

Ante esta situación, o Comité Cidadán de Emerxencia para a Ría de Ferrol, elaborou un modelo de resposta-tipo, para distribuír entre as entidades que desexen facelo seguir ao Ministerio de Medio Ambiente, con independencia de que haxan recibido ou non a comunicación do Ministerio.

Engadimos a este correo o modelo citado, no que deberán ser cubertos os datos da Asociación e do seu representante, para remitilo ao Ministerio, cuxo enderezo figura no encabezamento do escrito.

Unha vez remitido, e para control deste Comité, agradecemos nos indiquedes neste correo a data de envío.

Grazas pola vosa colaboración nesta loita de todos.

¡¡ PLANTA DE GAS FORA DA RÍA !!

Comité Cidadán de Emerxencia para a Ría de Ferrol

Prégase a máis ampla difusión

Baixar dos Arquivos Ártabros o modelo de resposta-tipo orientativo, en formato libre 'odt' [gnu-linux]
Baixar dos Arquivos Ártabros o modelo de resposta-tipo orientativo, en formato privativo 'doc' [Microsoft-Windows]

--
Comité Cidadán de Emerxencia para a Ría de Ferrol
comitecidadan@gmail.com
http://comitecidadan.org
_______________

Antroido 2009: Primeiro Prémio em Ferrol

2009-02-26T23:20:00.011+01:00

Umha vez mais A Revolta consigíu o Primeiro Prémio em Ferrol.

__________________

Galeria de Fotos: Antroido 2009 - A Revolta Cozida pola Crise

2009-02-23T18:34:00.014+01:00

Galeria de Fotos em continua actualizaçom: O Roxal, Narom, Ares, Ferrol, Fene, ...

Video da Actuaçom d'A Revolta Cozida pola Crise em Narom

2009-02-23T17:13:00.024+01:00

Narom, 20 de Fevereiro de 2009

Ensaiando as Canços d'A Revolta para o Antroido 2009: Cozidos pola Crise

2009-02-15T18:17:00.002+01:00

Este ano os ensaios e o obradoiro de confecçom de trajes, foi em "Meigueiria". A continuaçom podes escoitar un adianto dalgumha das cançons.

Descargar - Asegurame esse banco

Descargar - Cheira a Revolta

Descargar - Coidado que passa o AVE

Descargar - Comamos um cozido

Descargar - Cozim o paro com a hipoteca

Descargar - Para um bo cozido

Descargar - Se chove

Descargar - Venha Revolta

___________

Descarga:

Tríptico d'A Revolta do Antroido 2009, coas letras das cançons, em formato -pdf- AQUÍ
_______________

Letras do Antroido 2009 - A Revolta Cozida pola Crise

2009-02-14T22:33:00.000+01:00

ANTROIDO 2009
COZID@S POLA CRISE
A REVOLTA COZIDA POLA CRISE

UM BO COZIDO
-Música "Que linda falua"-

Para um bo cozido
só hai que escolher
uns bos ingredientes
e ponhe-los a ferver (bis)

Se queres um bo cozido
e coa crise rematar
banca pública no pote
com controlo popular,
que os cartinhos nom se deixam
pra fazer rico a ninguém
que nos sobram as Koplovis
e os Botins sobram também.

Se queres um bo cozido
e coa crise rematar
no sector público emprego

deverias de criar,
que os cartinhos a Citroen
nom vam ser a soluçom,
onde vai o que ganharom?
nom vimos um patacom.

Se queres um bo cozido
e coa crise rematar,
nacionaliza a energia

porque a seguem a roubar,
e todos os beneficios
dessas multinacionais
mete em serviços sociais
e transporte popular.

ROLDA DOS BANCOS
-Música "Rosa arredonda a saia"-

Asegura-me a esse banco
pobrinho que o passa mal
e dá-lhe caldinho limpo
nom se vaia a arrefriar (bis)

Banesto e Banco Pastor
andam algo deprimidos
e querem cartos do estado
que sabem onde inverti-los.

O Banco Bilbao Vizcaia
anda fazendo piruetas
que xogando muito em bolsa
mercou lixo de hipotecas.

Asegura-me a esse banco...

Que gram negócio o dos bancos
plans de pensións e hipotecas
sempre xogam cos teus cartos
e socializam as perdas.

Os bancos som os padrinhos
e os governos som sobrinhos
hai que ajudar à familia
que som todos uns pobrinhos.

Asegura-me a esse banco...

Se queres aforrar cartos
e fazer um bo cozido
na direcçom desses bancos
encontras muito chouriço.

FOLIADA DO AVE

Coidado que passa o AVE
coidado que passa o AVE
de Mugardos a Ferrol
que dis que nom hai progreso
que dis que nom hai progreso
sem um AVE na estación.

Muitos cartinhos no bicho
muitos cartinhos no bicho
vaia cacho de inverssom!
Quantos caminhos de ferro
quantos caminhos de ferro
haveria em construcçom.

Mire senhora ministra
mire senhora ministra
eu no AVE nom montei
Queria ir até Compostela
queria ir até Compostela
e nom tenho ningúm trem.

Em ASTANO eu queria
em ASTANO eu queria
fazer máquinas de trem
que andiveram por Galiza
que andiveram por Galiza
de Viveiro até o Berbés.

COZIDO
-Música, "Que pernas tês"-

Comamos um cozido,
cozido, cozido.
Comamos um cozido
que ainda temos que rilhar.(bis)
Que o porco nom falte
garbanzos também
pataquinhas sempre
pra sentir-nos bem.(bis)
Comamos um cozido,
cozido, cozido.
Comamos um cozido
que ainda temos que rilhar.(bis)
Que grelos nom faltem
e um pouco de pam
um bo vinho tinto
e logo um cantar.(bis)

SEM CHICHAROS
-Música "Arroz com chicharos"-

Cozim o paro com a hipoteca
um feixe de facturas, vaia desfeita!
vaia desfeita!
vaia desfeita!
cozim o paro com a hipoteca.

SE CHOVE
-Música "Se chove"-

Se chove, deixa chovere,
se orvalha deixa orvalhare,
por mais que tronem e ventem
nom nos podem afogarem.

Indo pola Ría abaixo
vim umha planta de gas,
asteleiros sem trabalho
e lixo para pescar (bis).

Vim negócios que pechárom
indo pola rua abaixo
e muitas casas baleiras
com alugueiros moi altos.

Indo pola rua abaixo
vim a cola do INEM
chegava a Santa Marinha
que nom se salva ninguém.

COCIDO GALEGO
-"Música "A vaca Marela"-

Eu teño un cocido galego
que está moi considerado
del xanta toda a Revolta
e ainda dá pra convidar.

Pero vai escaseando
pola crise financieira
sobe todo ata os garbanzos
e cómo imos pagar.

Xa apañamola sopiña
as patacas e a cachucha
se pensabas xantar roupa vella
penso que non vai quedar.

O cocido este ano
vai ser artigo de luxo
como saben eses grelos
os chourizos e o lacón!

EN TRASANCOS

Em Trasancos
no tempo de Antroido
cheira bem, cheira a Revolta!
Auga e farinha por todo o povo
cheira bem, cheira a Revolta!

Oes ti! nom está disfrazad@
oes ti! que te vou a molhar
que se nom pos carouta no Antroido,
vai vir a Revolta e vai-te enfarinhar.

VENHA REVOLTA!

Venha Revolta, Revolta venha!
lacom e vinho que o Antroido é tempo de festa.
Ponha os chouriços, ponha os freixós,
que nós ponhemos as orelhas e as cançons.

Colectivo Sociocultural "A Revolta de Trasancos"
http://a-revolta-de-trasancos.blogspot.com
a.revolta.de.trasancos@gmail.com
__________________________

Umha vez mais este ano 2009, A Revolta, estivo na Homenagem a Carmelo Teixeiro, no 1º Aniversário do seu passamento

2009-02-07T22:59:00.004+01:00

________

Enlace:

Homenagem a Carmelo Teixeiro, 7 de Fevereiro de 2009

A Revolta comprometida coa campanha do Comité Cidadán de Emerxencia ...: "A Ría, na Rúa"

2008-11-01T02:09:00.005+01:00

[Clicar na imagem para ampliar - Debuxo tirado da web de A. C. Fuco Buxan]

O Comité Cidadán de Emerxencia para a Ría de Ferrol, organizou umha campanha de denúncia e reivindicación: "A Ría , na Rúa" que consisteu na realizaçom de 10 murais por dez artistas da Comarca en 10 prazas da cidade de Ferrol. A este acto na rua, sumou-se-lhe outro que consisteu nun roteiro ou paseio pola cidade, desde Caranza à Praça de Ferrol-Velho, passando por oito praças mais. A música da Revolta acompanhou a marcha de duas horas por todo Ferrol.

Hoje Sábado 1 de Novembro a Revolta decideu compartir o Magosto e Samaim 2008 co Comité Cidadán no acto central desta campanha que se celebrará no centro Cívico de Caranza, desde as 5 da tarde, cumha Esposiçom Colectiva e um Magosto Popular.

http://a-ria-na-rua.blogspot.com/
______________________

Entrevista a Mercedes Peón: "A tradición é o máis libre que hai"

2008-07-12T13:21:00.006+02:00

Luces
"A tradición é o máis libre que hai"
A cantante, gaiteira e percusionista coruñesa Mercedes Peón fala da necesidade de atopar un oco natural para a difusión da música de raíz. Síntese agasallada. "É o premio máis lindo que me podían dar", confesa.

ÓSCAR IGLESIAS
EL PAÍS - 11-07-2008

Coñecímola por Luar, pero houbo un ano no que a canle especializada da BBC só programou dous concertos en directo e un era o dela. No tren ou a dedo, Mercedes Peón (A Coruña, 1967) tripou o país durante vinte anos recollendo a danza e a música da xente. Aínda lembra o trance que supoñía partir dun determinado código "e deixarse ir". Co seu terceiro disco (Sihá) na rúa, parece superada a sorpresa que supuxo escoitar, entrado o século, unha música que mesturaba loops con sachos e legoñas tocados con pedras e tixola batente sobre lata de picante.

P. Como se sente?

R. Pareceume unha aposta moi arriscada por parte do xurado porque tamén o meu discurso e a miña música son arriscadas... Síntome moi agasallada e recoñecida. E encantoume: estou farta de que na propia Galiza me digan se non creo estar máis valorada fóra que dentro. Agora xa ninguén pode dicirme iso.

P. Disque se fixo galegofalante estando de campamento en Bergantiños. Como foi?

R. Eu falaba castelán na casa e castrapo na aldea. Pero no meu instituto de Monelos houbo un día un debate, en plan galego si, galego non. Esa, alá por 1980, foi a miña primeira conmoción. Entón fíxenme galegofalante ao 100%. O que provocou que empezase a falar galego foi o amor polos avós e por un debate estúpido. Nesa mesma época estaba de acampada na aldea de Imende, en Baldaio, e vin a unhas rapazas da miña idade coller unha pandeireta e tocar unha ribeirana. Iso foi un antes e un despois para o meu leitmotiv de vida.

P. Vinte anos tripando o país cunha gravadora dan para moito...

R. Bótalle 2.000 casetes, das que espero rescatar a metade. Era moi nova e aínda non sabía nada de antropoloxía, pero situábame nun punto, saía ata Carballo, por exemplo, e ía abrindo unha espiral facendo comparacións, preguntándolle á xente ata onde chegara e que influenzas tiña. Xa despois facía enquisas pautadas e distribuíaas. Achei cousas curiosísimas: traxes súper raros, homes con melena e barba en 1910... Alí estaba a rabela, por exemplo, un baile totalmente esquecido, por moito que despois o reinventase a Sección Feminina.

P. Que distinguía aquela música?

R. Galiza é o único lugar de Europa onde temos todo vivo. Hai que distinguir entre tradición e tradicionalismo: a tradición é libre, non estática. Evoluciona cara un mesmo sentido con cambios insensibles, todo o mundo aporta. En Galiza está a tradición viva, está o folclore, cos grupos que están representando a nosa terra baseándose, ou non, na música e na danza tradicional. E logo está a música folk, onde parece que entra todo o mundo. Hai que ter moito tino. Alguén que imite o que escoita nas aldeas e suba a un escenario e diga que é música tradicional... Iso é unha performance de música tradicional.

P. Hai xeito de limitar a perda da transmisión oral?

R. O oral está no rural, e o rural desaparece... A proposta que tracexei é xuntar a maiores e pequenos. E son os concellos os que deben dinamizar iso. Hai outras iniciativas que tamén deberían ser apoiadas, porque falamos de miles de persoas recollendo música nas aldeas desde os anos 80: están censados 10.000 gaiteiros, outros tantos bailadores, 3.000 pandereiteiras... Outra experiencia marabillosa sería facermos carpas itinerantes e incentivar ese tipo de festas. Pero a clave é asociármonos para que todo iso teña un sentido real nas cidades.

P. Tería sentido algo coma o Centro Andaluz do Flamenco?

R. Pero é que o flamenco non é tradicional; a tradición alí perdéuselles. Iso non é música tradicional, senón tradicionalista. É como chamarlle tradicional ás bandas ou aos cuartetos de gaitas. A gaita tocábaa un gaiteiro só cun tamboril, unha pandeireta e un bombo se o había, e sempre tiña que ter relación co baile.

P. Entón que se pode facer?

R. Aparte do ensino, o máis importante é conseguirmos que a sociedade teña un oco natural para estas cousas. Todo o que sexa museístico... Está xenial, pero non é o máis dinámico, e cómpre dinamizar a tradición. Se unha cultura e un idioma teñen que morrer, que morran, pero que non sexa porque nos acabamos a nós mesmos.

P. Experimentos coa música electrónica había, pero ata Isué aínda ninguén integrara loops e música tradicional.

R. Non sei se fun a primeira... Niso tería moito que ver Nacho Muñoz, que xa traballaba comigo daquela. O concepto de loop tamén ten moito que ver coa percusión, e eu son percusionista. O transo ao que podes chegar coa repetición... A min encántame a música electrónica. Non respondo a ningún tipo de estereotipo. Encántame Janis Joplin, o primeiro disco de Björk... Gústame o que me emociona.
P. A renovación estética do folk galego vai un pouco por tras da musical?

R. Normalmente a práctica vai por diante da teoría. Non lle fago moito caso á crítica musical, pero si penso que houbo unha revolución grandísima das pandereteiras. O mundo da muller valorado como música e como parte fundamental da transmisión oral. A revolta afecta tamén aos conceptos.

P. Os grupos de pandereteiras aínda se empezaron a dignificar hai pouco.

R. Nas aldeas sempre houbo máis pandereteiras que gaiteiros. En gaita estamos bastante peor. Todo suma, nada elimina, pero os nosos gaiteiros veñen das escolas; algunhas tradicionalistas, pero son moi poucas, é unha mágoa... Para que sobrevivan ten que haber unha relación co baile. Necesitamos que aquí se poña un gaiteiro a tocar e nós a bailar como trastornados... Ou coller eu o acordeón, en troques da gaita.

P. Pesou demasiado o celtismo na evolución do folk?

R. A min non, non teño problemas con iso. Son etiquetas. O problema é dos festivais que se encadraron aí, pero xa se están abrindo. A Ortigueira tiñan que levar a Dios Ke Te Crew... En xeral, o que hai que facer é programar ben. Unha profesión bonita pero moi dura.

P. Non hai camiño que andar ata normalizar a relación do folk coas outras músicas galegas?

R. En Andalucía iso nin se pregunta. Unha persoa do jazz mestúrase cunha do flamenco, pero beben da mesma fonte. Aquí necesitamos pandereteiras, compositores... Compoñer desde a nosa tradición, e vaite para o eido que queiras. Calquera que fai música pop, xitana ou alxeriana, non necesita mesturar texturas. Mestúrase o que está morto, pero isto está vivo.
________

Enlace co texto orixinal
_________

A Revolta colabora co Comité Cidadám

2008-06-27T18:57:00.005+02:00

[Para ampliar clicar acima da imagem]

O passado 23 de Julho tivo lugar a Lumeirada da Revolta 2008, todo un suceso para nós. Com anterioridade, o nosso Colectivo decideu que todos o beneficios que tiraramos da lumeirada 2008, foram para apoiar a loita de oposiçom à Planta de Gás que REGANOSA contruíu dentro da Ria em Mugardos. Polo que se decidiu ingressar os cartos: 416,34 €, na conta do Comité Cidadán de Emerxencia para a Ría de Ferrol.

Planta de Gás Fora da Ria !
________________

Galeria fotográfica Lumeirada 2008

2008-06-24T13:42:00.006+02:00

Lumeirada 2008 da Revolta em Caranza

2008-06-20T23:23:00.007+02:00

[Clicar acima do cartaz para ampliar]

Como vimos fazendo desde há 1o anos, esta Segunda-Feira, 23 de Junho, desde as 6 da tarde, terá lugar a Lumeirada 2008 da Revolta, nas inmediaçons da rua Cartagena, em Caranza.

Sardinhas, Chouriços, Música, ... e Lumeirada
_____________________________

Propostas para a reuniom do 14 de Junho de 2008

2008-06-14T18:47:00.002+02:00

From: lupe ces -lupeces@gmail.com-
Date: 2008/6/10
Subject: citas A Revolta
To: lupe ces -lupeces@gmail.com-

Olá Revolta, este correio é para lembrar-vos ou informar-vos das citas que temos estes días.

Em primeiro lugar este sábado às 19hs teremos umha reuniom no local da Gándara para preparar a lumeirada da noite do 23. A mim também me gustaria falar dumha possível viage a Vigo, para participar nos actos que tem organizados a Marcha Mundial das Mulheres, o 18 e 19 de Outubro, poderiamos reservar um hostal para passar a noite do sábado 18, e poderia haver umha actuaçom do grupo de gaitas na feira..... Tamém me gostaria falar nessa reuniom da possibilidade de que os cartos que conseguiramos na lumeirada do 23 lhos deramos ao Comité Cidadá de Emerxencia para ajudar a pagar os procuradores.

Outra cita que temos é o sábado 28, sabedes que Berto estivo o dia 7 para ensinar-nos os traxes. pois bem o sábado 28 volve a estar com nós. Primeiro quedamos para comer no parque de Lago em Valdovinho, logo imos ver um tear que hai na associaçom de lago, Agulho vai ver se pode fazer.nos um para tecer partes dos traxes. e logo de estar em Lago volvemos ao local da Gándara para ver os traxes. Às duas da tarde quedamos para comer em Lago, às sete da tarde estaremos de volta na Gándara. Se levamos estes temas pensados podemos axilizar mais a reuniom e logo falar e tomar algo com tranquilidade que é o que eu mais agradezo. beijinhos a todas e todos.

Lupe Ces Rioboo
981946412/652201003
http://lupeces.blogspot.com/
lupeces@gmail.com
___________

Este passado 8 de Junho, A Revolta estivo na Manifestaçom na Defensa da Ria de Ferrol

2008-06-14T17:55:00.009+02:00

[Clicar acima da foto para ver outras fotos]

A Revolta de Trasancos estivo manifestando-se polas ruas de Ferrol, o passado Domingo 8 de Junho, na convocatória do Comité Cidadán de Emerxencia para a Ría de Ferrol, para exigir o cesse da actividade da planta regasificadora de REGANOSA, assim como para denunciar o aumento da ameaça desta Planta de Gás contra a populaçom que moramos na Comarca de Ferrol - Terra de Trasancos e Beçoucos.
_______________

Programa especial de Rádio FilispiM - Descargar [115MB]

Intervençons e Manifesto - Descargar [15MB]

Enlace Reportagem Fotográfica
________

Charla: Preparaçom dum Obradoiro sobre o Traje Tradicional e Reuniom da Revolta

2008-06-14T17:35:00.008+02:00

O pasado Sábado 7 de Junho tivo lugar un encontro com Berto Pérez, mestre, investigador e obrador, do Traje Tradicional.O objectivo do encontro com Berto era preparar um Obradoiro de Traje Tradicional. A Charla foi amena e deu o seu froitos, em pouco tempo estaremos preparad@s para iniciar o obradoiro, mas ainda queda um segundo encontro e umha visita ao obradoiro de tecidos que o mestre, tem na actualidade na associaçom vicinhal de Lago em Valdoviño que terá lugar o 28 de Junho, cum jantar de amizade, às 2 da tarde, no Campo de Lecer de Lago no concelho de Valdovinho.

O mesmo Sábado 7 de Junho,despois da Charla, tivolugar umha reuniom, onde decidimos realizar a Segunda-Feira, 23 de Junho, Lumeirada da Revolta 2008, como é habitual em Caranza, nas insmediaçons da Rua Cartagena, no Campo da Terra Batida. Acordamos, solicitar já a utorizaçom e umha toma de corrente eléctrica ao Concelho de Ferrol e convocar umha nova reunióm para o Sábado 14 de Junho, logodo ensaio que terálugar a partir das 7 da tarde.
__________

A Revolta apoia ao Comité Cidadán na luita contra REGANOSA e quere manifestar sua solidariedade co grupo de voluntar@s fechad@s no Concelho de Ferrol

2008-06-06T10:18:00.009+02:00

O Colectivo Sociocultural "A Revolta de Trasancos" queremos fazer público o noso apoio à manifestaçom, do vindeiro Domingo 8 de Junho, convocada polo Comité Cidadán de Emerxencia para a Ría de Ferrol, para exigir o cesse da actividade da planta regasificadora de REGANOSA, assim como para denunciar o aumento da ameaça desta Planta de Gás contra a populaçom que moramos na Comarca de Ferrol - Terra de Trasancos e Beçoucos.

Consideramos um sem razom o instalar umha Planta de Gas dentro dumha pequena Ria, moi povoada que ameaça as nossas vidas, a nossa seguridade e à própria Ria, já de por sim moi contaminada polos verquidos sem depurar, tanto industriais como urbanos.

A Revolta, já este ano denunciamos a REGANOSA, o perigo da entrada na Ria de gaseiros cargados con GNL e a corrupçom política e empresarial que acompanhou à sua construçom, coas nosas cantigas e disfraces, no Antroido,08. Agora o fazemos dentro do movimento social opositor à Planta de Gás.

Asemade queremos amossar o nosso especial apoio as pessoas que com grande esforço, mas com coerência e convinçom estám fechadas na Casa Grande do Concelho de Ferrol, para secundar as demandas e denúncias do Comité Cidadán de Emerxencia e para reclamar umha actitude activa dos nossos governantes municipais, na defensa da cidadania, da sua seguridade e vida.

A Revolta de Trasancos, chama a seus amigos e amigas, achegad@s, simpatizantes, forof@s e a cidadania em geral a participar na Manifestaçom que está convocada para este Domingo 8 de Junho de 2008, às 12 do medio-dia, no Porto de Curuxeiras de Ferrol.

Ferrol - Terra de Trasancos e Beçoucos, a 6 de Junho de 2008

José Manuel González Vide
____________

Como organizar um Obradoiro de Confecçom de Trajes Tradicionais

2008-06-06T09:22:00.006+02:00

Este Sábado 7 de Junho, às 20:30 hrs da Tarde está programada umha Charla do Maestro e Investigador Etnográfico, Berto Pérez, especialista no Traje Tradicional Galego a sua História, Recopilaçom de Peças e Confecçom sobre.

A Charla terá lugar no Centro Social da Gándara en Narom, dia 7 de Junho, Sábado, às 19:00 hrs
__________

A Revolta e as nossas Letras

2008-06-06T09:17:00.003+02:00

A Revolta participou o passado 17 de Maio no Acto de Homenagem a Rosalia De Castro, junto com outras entidades da cidade de Ferrol na praça que leva o seu nome.

[Proximamente Galeria Fotográfica e Crónica do Acto]
Dia das Letras 2008

Dia das Letras 2008

2008-05-16T15:45:00.005+02:00

A Revolta acordou participar na autoconvocatória das entidades vecinhais, sociais e culturais, promovida pola Asociación Veciñal de San Xoán - Bertón concretada num Acto Festivo e Reivindicativo na Defensa da Língua, na Praza Rosalía de Castro de Ferrol, Sábado 17 de Maio, às 12:30 hrs. Manifestos, Poesia, Flores e Música. Logo juntaremo-nos no Local social da Gándara, para confraternizar num jantar de Maio.

PARTICIPA !!

Em Galego 365 dias !
Em Galego é posível !
_____________

A Associaçom Galega da Língua (AGAL), com motivo da celebraçom do Dia das Letras, convoca todos os galegos e galegas a manifestarem-se o próximo 18 de Maio às 12 horas na Alameda de Compostela, em defesa da Língua da Galiza, que identifica o nosso Povo, e convida a fazê-lo de modo firme e cívico polos nossos direitos lingüísticos individuais e colectivos de acordo com as seguintes considerações:

1.- Denunciar as políticas de substituiçom lingüística que levamos sofrendo durante os últimos 25 anos, disfarçadas de falsa normalizaçom lingüística.

2.- Exigir o reconhecimento da condiçom internacional da nossa Língua, que com a variedade própria das línguas internacionais é falada por centos de milhões de pessoas no mundo, quer como língua nativa, como é o caso dos galegos, quer como língua oficial de oito Estados, ou como língua cada vez mais estudada em todo o mundo polas vantagens das línguas internacionais.

3.- Denunciar as autoridades e administrações públicas que, em vez de garantirem os direitos lingüísticos e democráticos do Povo galego, discriminam e perseguem aqueles que nom aceitam a deriva de substituiçom lingüística e dialectizaçom castelhanizadora do Galego que o torna desnecessário no seu próprio País.

4.- Apoiar a iniciativa aprovada no Parlamento por unanimidade reclamando a recepçom das rádios e televisões portuguesas na Galiza, que pedimos que se efective desde já e que nom fique numha simples declaraçom sem vontade real de a levar a cabo.

5.- Denunciar também os grupos extremistas que, protegidos por certos sectores políticos, atacam o direito e a liberdade de vivermos na Galiza em galego.

6.- Finalmente, apelamos a toda a sociedade para exigir umha mudança das políticas que tornam a Língua desnecessária e dialectal, como forma de impor o uso do castelhano, por políticas que garantam os nossos direitos lingüísticos individuais e colectivos, assegurando que o Galego continue a ser a língua própria dos galegos e galegas, e umha língua extensa e útil.

Adiram ao Manifesto da Associaçom Galega da Língua
Associaçom Galega da Língua
http://www.agal-gz.org/
agal[arroba]agal-gz.org
Ap.^do dos Correios, 453. 32080 Ourense (GALIZA)
Tel.: +34+ 988 441109 - Fax: +34+ 986 438856
________________

Manifesto: POLO DEREITO A VIVIRMOS EN GALEGO

As persoas e entidades que apoiamos a manifestación nacional “Polo dereito a vivirmos en galego” este 18 de maio de 2008, declaramos:

1. Consideramos que vivir en galego é un dereito inalienábel das persoas na Galiza, e un dos dereitos humanos elementais que temos como pobo. Lembramos que o galego é o único idioma natural de Galiza, e que mesmo o Estatuto de Autonomía o cualifica como “a lingua propia” do país, o que nos une como galegas e como galegos. O pobo galego ten dereito a que a súa lingua ocupe todos os ámbitos da vida social propios de calquera idioma, con dignidade e con normalidade.

2. Consecuentemente, deben existir as garantías para podermos vivir en galego, o que exixe compromisos, así como a aplicación e a adopción das disposicións legais necesarias por parte das Administracións públicas.

3. Denunciamos e alertamos contra os que, apuntándose agora á defensa dun suposto bilingüismo, un bilingüismo dunha soa cara, pretenden unicamente o mantemento da diglosia e a desaparición do galego. Ou, o que é o mesmo, a negación do dereito colectivo á normalidade de usos da nosa lingua en todos os ámbitos.

4. Chamamos ao compromiso persoal de todas e todos coa lingua galega. Usémola en todos os ámbitos: comezando pola familia, coas nosas nenas e nenos, no noso traballo, nas relacións coa administración, no noso tempo de lecer, etc. O futuro do galego depende de nós.

Lembra que o vindeiro domingo 18 de maio esta grande manifestación partirá ás 12 do mediodía da Alameda de Santiago de Compostela e finalizará na praza da Quintana.

Autobuses desde Ferrol: saída ás 10.30 da mañá da praza de Galiza, diante do Teatro Jofre. [Telefone para apontarse - 690 30 72 45 - Carlos Outeiro]

Maio, 2008

A MESA pola Normalización Lingüística
_____________

A Revolta nos Maios 2008

2008-05-16T15:16:00.004+02:00

A Revolta celebramos a chegada da Primavera 2008, coa construçom do nosso Maio na Praça da Gándara, o passado Sábado 3 de Maio.

En poucos dias publicaremos o Album de Fotos no Blog

Reuniom da Revolta, Sábado 12 de Abril, às 6 da tarde

2008-04-12T15:52:00.006+02:00

Reunióm da Revolta, Sábado às 6 da tarde no local social da Gándara.

Orde do dia:

Concretizar programa e calendário dos obradoiros de Confecçom de Traje Tradicional e Informáica para principiantes
Os maios
O 17 de Maio
Estado das Contas
Legalizaçon

__________

O 24 de Março iremos a Chamorro e jantaremos em Menáncaro

2008-03-19T20:49:00.006+01:00

[Clicar acima da imagem para ampliar]

Nas reunions mantidas a Sexta -Feira e o Sábado, 14 e 15 de Março, tratamos vários pontos, dos que destacamos que a vindeira Segunda-Feira, 24 de Março iremos de caminhata até Chamorro e logo jantaremos em Menáncaro, quedamos ás 11:30 hrs no no ponto de encontro do cruze de Jeoane-Catabois, como anos anteriores.

Outro dos pontos foi informar do jantar de Lugo da Associaçom de Gaiteir@s Galeg@s, o domingo 30 de Março, ademais está pendente de decidir a proposta de entrar na associación.

Por último, informar que quedamos de apresentar a Irene Fernández Fidalgo e Vitor José Agulhó López, como candidata e candidato a formar parte do Padroado de Cultura do Concelho de Narom, polas associaçóns culturais.
______________--

O "Padroado da Cultura de Narón", informa-nos da convocatória de Eleiçons de representantes à sua Xunta

2008-03-09T11:16:00.007+01:00

Recebimos umha notificaçom onde o "Padroado da Cultura do Concello de Narón", nos informa da convocatória de Eleiçons de representantes à sua Xunta. O praço de apresentaçom de candidaturas remata o vindeiro sábado dia 15 deste mes de Março, polo que, consultadas algumhas pessoas, se convoca umha reuniom extraordinária, para a Sexta-Feira, 14 de Março, às 7 da Tarde nos locais do C.S. da Gándara, para tartar este assunto.

Ademais lembrar que o Sábado 15 de março há ensaio para quem queira participar, também o sábado comentaremos temas que temos pendentes [obradoiro de traje tradicional, obradoiro de informática para principiantes, Apoio ao Comité Cidadán, sinatura de documentaçom ... ]

[Para ampliar o documento clicar acima da imagem]

_____